Pope in July thla hrang thlacam tumtah mi  (July 3, 2023)

Pope in July thla hrang thlacam tumtah mi  (July 3, 2023)

           Pope Francis in Eucharist (Bawipa thi le sa) hnen ruahsan in July thla sung thlacam tumtahnak hrangah Eucharist (Bawipa Thi le Sa) cu kan nunram ah a laifangnak ah ret dingah zaangfah a rak dil. Pope in Pope’s Worldwide Prayer network ah  Catholic Kawhhran pi pumhlum in eucharist (Bawipai thi le sa) biakthawinak cu kan nunramah a laifannakah ret diangah Video in zaangfah a rak dil.Pope Francis in Missa sumnak a thoknak vekin a cemnak khalah bangrep in na um a siah cun pakhatkhat cu a sual si ding tiah Pope Francis in tui thla ih Video sung thu a sim thoknakah a rak sim.

          Amai thlacam tumtah nak thar ah Pope in Missa raithawinak nak  cu tuah lo theilo ih tuah ding mi daan pakhat dinhmun silo in thihnak in a thosal mi Jesuh thawn tongaw dingah in sawm ruangah Bawipa thi le sa cu Jesuh Khrih cennak a si ih cu mi cu mangbangza ih thlengawk nak a si tiah thupitin a rak sim. Pope in hi mi Video ah “Khrih cu kan hrangah amah le amah a pe aw tu Khrih a si” tin hnget zetin a sim ih a mah in kan nunram cu amai cawm kan si ih kan ulenau pawl ih nunram khalah a cawm tu cu Khrih a si. Pope in Bawipa thi le sa cu thuruah thiamnak khal a si ih duhdawtnak thawn midang kan cohlan tikah le midang pawl ih harsatnak  pawl kan theisak tikah kan mai hnenah thazaang in pe tiah video sungah a rak sim fiang.

        Ziangruangah Pope in Bawipai thi le sa sungah Jesuh Khrih tong dingah  thazaang in peti a sile  amah ah thlengaw dingah kanmah le kanmah insiang nak le midang pawl duh in cohlang theinak dingah  a si tiah a rak sim. Anetnak ah Pope in thlacam dingah in sawm ih Catholic dinhmun ah Bawipa thi le sa sumnak cu nunram ih a laifangnakah retin cu mi in kam ulenau pawl le Bawipa hnen kan harsatnak sim in le cuti ih kan tuahnak in minung khat le khat pehtlaihnak a thleng ter ding a si tiah thupit in arak sim.Hi thuthang cu CNA thuthangih kan ngah mi a si.