Pope in Vancungram ih hruainak a ngah tu Bawinu Maria hnenah remdaihnak hrang thlacamnak pawl hlan. (august 15, 2023)

Pope in Vancungram ih hruainak a ngah tu Bawinu Maria hnenah remdaihnak hrang thlacamnak pawl hlan. (august 15, 2023)

          Pope Francis in Ukraine ram le leitlun killi remdaihnak hrangah zaangfah a rak dil ih remdaihnak le ruahsannak hrang thlacam dingah a rak forhfial.

          Bawinu Maria Vancungram ih hruainak a ngahnak puaini ah, “Ukraine ram le hmun tinkim ih remdaihnak hrangah, Vancungram ih hruainak a ngah tu Bawinu Maria hnenah kan ap,” tiin Pope Francis in Angelus thlacam theh hnu thu a sim nak ah a rak sim.

          Ralbuainak ruangah harsatnak tong rero tu hmun tampi cu “thu reltlang dingih zuamnak pawl phentu hriamhrei pawl” le “thazaang ih caantha cu a dik mi thazaang in a huap” ti mi hmun pawl an si, tiah a rak sim.

          “Asinan, than au hlah uh,” tiah Pope in a rak sim. “Ruahsannak hrangah thlacam bet uhsi; ziangahtile thuanthu lam ah lam in hmuh tu, in thei tu Bawi cu a mah Pathian a si.”

           Bawinu Maria Vancungram ih hruainak a ngahnak puaini cu Italy ramhuap ah an tlawngpit caan a si ruangah St. Peter tualrawn ih tuah mi Angelus thlacamnak ih tel dingah mi zaleng lo an rak thleng thei.

          Pope in kan Bawinu’i puaini ih a rak thlengtu zaten cibai a rak buuk hai ih Veronak Diocese le Mary Immaculate upatnak pektu mino pawl hrangah hleice tak in cibai buuknak a rak hlan.

          Pope Francis in mitin hnenah lungawi za puaini si hram seh tiah thla a rak cam sak ih a hlan vek thotho in a mai hrang thlacam sak dingah zaangfah dil phah in a cibai buuknak pawl a rak cem ter.

          Hi thuthang cu Vatican News ih kan ngah mi a si.