Mongolia ram Pope ih a tlawnnak in bangawklonak pawl lakah lungrualnak in hmuh tiah Bishop Mumbiela in sim.

Mongolia ram Pope ih a tlawnnak in bangawklonak pawl lakah lungrualnak in hmuh tiah Bishop Mumbiela in sim.

          Vaticna News thawn thusuhawknak ah, the Catholic Bishops Conference of Central Asia hotu, Bishop Jose Luis Mumbiela Sierra in Mongolia ram Pope ih a Tuukhaal khualtlawnnak ih a rak suak mi a ruahnak pawl a rak hlawm.

          The Catholic Bishops Conference of Central Asia hotu, Bishop Jose Luis Mumbiela Sierra in Vatican News thawn thusuhawknak ah Pope Francis ih vei 43 nak a Tuukhaal khualtlawnnak ih a ruahnak a rak hlawm.

          Kazakhstan, Santissima Almaty ih Spain ram suak Bishop in Asia rampi Pope Francis ih khualtlawnnak ih thatnak ruat phah in, cui minung pawl ih Pathia an zumnak an hmuhnak cun an mang a bang ter ti a rak langsar ter.

          “Kan zaten mi menmen hlir kan si. Hi tawk ah mi danglam hleice zohman kan um lo,” tiih harsatnak tampi lakah a ratu Cardinal pawl le Pope sunloihnak ah a rak pholang.

          Bishop Mumbiela in caanserh le cangvaihnak tinkim ah “a danglam mi thluasuah” thawn a bangaw mi “sacrament pawl” pakhat ciar ah a danglam mi tumtahnak pakhat a um tiah ruahnak a rak pek.

          “Pathian ih zaangfah lainatnak cu hmun tinkim ah a tul,” tiah a rak sim. ‘Hmuhsaknak pakhat khal a si tiah ka ruat; ziangahtile Pope in cui hmun ih nunphung pawlkom pawl, Biaknak, Catholic mipi pawl le Catholic si lo mi pawl thawn a bang aw lo mi hmuhtonnak pawl a nei. Bawipa in mitin hrangah zaangfahnak a nei.”

          Pope Francis Mongolia ih a um lai ah a hleice in a fate zet mi Catholic pawlkom ruat in, Bishop Mumbiela in rampi hrangah ‘Pathian ih zaangfahnak’ ti mi khualtlawnnak pakhat a rak sawm.

          2022 lai ah Pope ih Kazakhstan a tlawn lai ah cui ram pawl ih um thilcang pawl thawn kan nunram ah milai sinak lak mi kan zumnak ih mawinak ai a awh tiin khal a rak sim sal.

          “Pawlpi in Gospel thuthangtha a thleng lo,” tiah a rak sim. “Gospel thuthangtha kan ngah daan a bang aw.”

          Leilungpi in harsatnak a ton rero lai ah Bishop Mumbiela in Mongolia rampi in ziang ti vekin remdaihnak a karh thei ding ti in zirh tiah a rak sim.

          “A fate zet mi Mongolia cun midang pawl hrangah a mawi zet mi a nei,” tiah a cemnetnak ah a rak sim. “A danglam tiih kan ruath mi hi a mawinak an sin an, kan lung in rual ter tu tampi an um ih lungrualnak tuah phah in cu mi cu Christian an si tiah a rak sim.

          Hi thuthang cu Vatican News ih kan ngah mi a si.