Ziang lo tuah sak ding so na duh (sim tu - Saya Noel Tluang Bawi) November 20, 2023

Ziang lo tuah sak ding so na duh?

Thuthangtha sim tu - Saya Noel Tluang Bawi

November 20, 2023

Siarding: Lk 18: 35-43

35 Jesuh cu Jerikho khua lamah a feh ih a thlen zik zawng ah mitcaw pakhat cu lamzin kiangah kutdawh in a rak to.  

36 A kiangin mi tampi an lan kha a theih tikah, “Ziang so a si?” tiah a rak sut.  37 Annih in, “Nazareth mi Jesuh a ra a si,” tiah an ti.  

38 Cupa cun, “Maw David Fapa Jesuh, i zaangfah hram aw,” tiah a au ciamco.  

39 Hmaiih a ummi miseenpi pawl in an kawk ih daiteih um dingah an sim. Sikhalsehla anih cun, “David Fapa, i zaangfah hrawm aw,” tiah a au sinsin. 

40 Cuhrangah Jesuh cu a ding ih, “Mitcaw pa kha hinah rak hruai uh,” tiah thu a pek. A hnenih a ra thlen tikah Jesuh in,  

41 “Ziang tisak dingso na duh?” tiah a sut. “Bawipa, khua hmu thei sal ningla ka duh,” a ti.

42 Jesuh in a hnenah, “Cuti a sile khua hmu aw! Na zumnak in a lo damter zo,” tiah a ti.  

43 Hmakhatteah khua a hmu thei ih Jesuh kha a thlun ih Pathian a thangṭhat vivo. Cumi cu miseenpi in an hmuh tikah an zatein Pathian kha an thangṭhat.