Pope Francis in a hlan Vietnam President hlun hrangah a riahsiat thu langter. (July 23, 2024)

Vietnam Communist Party, General Secretary le rampi President hlun a si mi Nguyen Phu Trong ih nunnak cemnak ruangah  Pope Francis in a riahsiat thu a rak sim. Holy See ih ramdang pehpar nak ih vuanci a si mi Cardinal Pietro Parolin in a tui Vietnam ram ih President a tuan rero lai tu  General To Lam hnen ah telegram thawn a kuatnakah Holy Father in Asian ram ah reipi hruaitu a tuantu a kum 80 kim kan dungzarh ah damlo nak thawn a nunnak a rak cem ruangah a mah ruangih riahsiattu zate thawn naizet in a um thu a rak lang ter.

General Secretary of the Communist Party le Socialist Republic of Vietnam, a hlan President a si mi ih a nunnak cemnak ruangah Pope Francis in Telegram in a mah thihnak ruangih riahsia tu pawl, a thupi bik in a innsang pawl hnenah hnemnak an ngah thei nak ding hrangah  thla a cam ding thu khal a rak sim.

A rak kuat mi ca ah Pope in Vietnam le Holy See pehtlaihnak in thansonak a suah ter nak thu ah a nunnak cemtu  President hnen a lungawinak thu khal a rak langter.

Pope Francis in rampi ah riahsiatnak a thlen caan ah Ram ih President To Lam le a hnatuan pi pawl hnen thlarau lamah a nel thu khal a sim ih a cakuat cu a rak cem ter. hi thuthang cu vatican thuthangin kan don mi a si.