August thla hrang Pope ih thlacam tumtah mi cu ramkhel lam hruaitu pawl hrangah tumtah. (July 30, 2024)

August thla hrang Pope ih thlacam tumtah mi cu ramkhel lam hruaitu pawl hrangah tumtah. (July 30, 2024)

August thla hrang a thlacam tumtah mi ah Pope in ramkhel lam hruaitu pawl in an mipi pawl hrangah thaten hna an tuan theinak dingah tiah thla a rak cam sak.

Ramkhel cu mitampi thatnak hrang hawlnak a si ih lainatnak hnatuan ah a sangbik  mi ti daan pakhat a si tiah Pope Francis in St. Paul VI ih a rak sim mi sungin a rak sim sal. August thla hrangih a thlacam tumtah  mi ah Pope in '' ramkhel hruaitu pawl cu an mai minung pawl ih thatnak ding tuah dingah, minung thatsonak tuah dingah le leilungpi thatnak ding tuah tlang dingah zumtu pawl a rak sawm. Hnatuan dawi tuartu pawl le a farah tu pawl ngaihsak dingah tiah a rak sim.

Tui thla ih tumtah mi tarlangnak video ah Pope Francis in ramkhel lamah  hmintha ngah a har tiah a rak sim. Ziangtikhal a sile ramkhel kha hman ten kawhnak, ramkhel thawn a kaihaw lo mi pawl a ngaingai in a cang rero mi pawl ngai phah in farah harsa pawl tuarnak le hnatuan neilo pawl hrangah ka ruah a har tiah a rak sim.

Pope in hi vek ti daan in kan zoh a sile ramkhel cu hmuhnak hnakin a tha deuh tiah a rak sim bet.

Curuangah ramkhel hruaitu pawl hrangah thla kan cam sak vekin ramkhel lam hnatuan pawl cu an mai tuanvo kha tuanduhnak thinlung thawn a tuantu an si  thienak dingah le ramkhel lam tuantu pawl hnenah lungawi thu sim tlak an si tiah Pope in a rak sim. Hi mi thuthang cu Vatican thuthang in a tawizawng ih kan leh mi a si.