Kawlram pi hngilh lo dingah le thlacam sak dingah Pope in ralrin nak pek. (August 7, 2024)

Kawlram pi hngilh lo dingah le thlacam sak dingah Pope in ralrin nak pek. (August 7, 2024)

          Pope Francis in leitlun hmunkip ih buainak sung ih um mi, mipi pawl hrangah a hnangam lo thu a sim ih kawlram pi khal hngilh a ngah lo tin a rak cah.

          Nisuah nak lam a laifan nak ram ih thilcang mi pawl parah hnangam lo ih thisen suah ih tuahmawh awknak pawl neta karh bet lo dingin ruahsan nak a nei tin Pope Francis in Zarhpi sun thlacam caan ah a rak sim. Sual a nei lo mi nauhak pawl le inn le Lo suung a tuar tu pawl hrangah thla a rak cam sak ih kawlram pi kha hngilh a ngah lo tin ralrin nak a rak pe.

          Nisuah nak lam a laifan nak ramah tonkhawm awknak an thawh thei salnak ding le ralthat nak nei dingin khal pehtlaih nak a nei mi pawlkom pawl zaten Pope in forfial nak a rak nei. Pope Francis cu August 4, 2024 zarhpi sun Angelus thlacam nak an cam caan ah leitlun ram tinkim ih a um tu buai nak lak ih harsat a tuar tu pawl kha zawn ruat in thla an rak cam sak theu. Kawlram sungih thilcang mi pawl khal telh in a sim theu. Kawlram sungih ralbuai ruangih harsat a tuar tu mipi pawl ih dinhmun pawl khal tu le tu a sim ih thla an cam sak theu. hi mi thuthang cu Vatican thuthang in kan don mi a si.