Pope Francis in Tuluk ram ih Catholic zumtu pawl hnen ruahsannak ca a kuat ih Tuluk ram ah a thlawn duh thu sim.(August 9, 2024)

Pope Francis in Tuluk ram ih Catholic zumtu pawl hnen ruahsannak ca a kuat ih Tuluk ram ah a thlawn duh thu sim.(August 9, 2024)

Pope Francis in Tuluk Catholic mipi pawl hnen ah ruahsahnak pakhat a rak pek ih Tuluk ram Shanghai ih the Basilica of Holy Mary, the help of Christians ah a tlawn duh thu  tlawnkai ninga ni interview lai ah a  rak sim.

Vatican ih  the Society of Jesus ih  interview pakhat ah director of the press office of Chinese  a si mi Father Pedro Chia thawn an tonawknak ah Pope in ram sungih Catholic mipi pawl le Bishop pawl, thawn Tuluk ramah tonawk a duh thu a rak sim.

Tuluk miphun pawl cu zumtu ngaingai an si ih rinum zet mi an si tiah Pope in a sim.

Tuluk miphun pawl cu miphun ropi in a ra mi an si thu, Pope in pehbet in, hi mi nan rothil pawl hlo ter lo dingah thinsaunak thawn ap aw ding khal ah a rak forhfial. Cu mi ah Tuluk ram ih zumtu pawl hnenah ruahsannak thuthang a rak pek.

Pope cu Jesuit sungtel pakhat a si vekin China ram um mi Jesuit pawl hnen ruahnak a rak pek. Thlarau lamah tuahdaan pawl le ruah thiam theinak pawl thawn Bawipa in lam lo hruai hram seh tiah China ram ih Jesuit pawl hnenah a massage sungah a rak sim.  zawnruahnak le dingfelnak thawn pehpar mi Mission hnatuan ah sinak niam mi farah harsa pawl thawn feh tlang in ruahsan nak a nei mi hmailam tuahthatnak ah mino pawl thawn kan inn pi a si mi leilung pi ngaihsak ding khal in a rak sim.

An tonawknak a cemnak ah Pope Francis cu Chinese mipi pawl hnen thlasuah a pek ih Our Lady of Shanghai Bawinu Maria hnen ah thla a rak cam sak. Zovek Pope khal in  China ram ah an tlawng dah lo nan Pope Francis cu 2023 kum September thla ah China thawn ramri a si mi Mongolia ah a hmaisabik a tlawngtu Pope a si. Hi thuthang cu Catholic news agency in a tawi zawngih kan ngan mi a si.