Thla kan cam tikah Pathian hnen ziang pawl kan dil ding.

Thla kan cam tikah Pathian hnen ziang pawl kan dil ding.

  Kan nih zum tu pawl ih nunram ih um lo theih lo ih tul mi pakhat asi.  Thlacam nak um lo nak leitlun cu satan pai nasa zet ih khuh mi  leitlun vek asi.

1.Zum nak

        A hleice in kan zum nak pawl cak ter dingah.

2.Ruahsan nak

       Kan mah ih thiltha hmuh nak pawl kilkhawi thiam ding in le kan harsat can khal ah Pathian ih thutiam mi kha zum nak thawn ruahsan thei ding in.

3.Zangfah lainat nak hnatuan

        Midang kha  mah hrang ruat aw lo in duhdawt thei ding in le Bawipa Jesu ih duhdawt zangfah nak kha thlen nak tin ah lang ter thei ding in.

4.Ngaidam nak

        Kan sual nak pawl hrangah Pathian ih duhdawt nak hawl thiam ding in le kan par ih sual nak a tuah tu pawl ngaithiam ding in.

5.Lam hmuh nak

      Thu botcat tikah a tha mi lam hmuh nak ngah thei dingin le kan nun zalam tluan hrangah Pathian ih duh nak then thiam ih hmu thei dingin.

6.Fimthiam nak

     A hleice in zum nak le .nuncan ziaza thawn pehpar aw mi hril canah hmuthiam theithiam dingin

7.Thinsau nak

    Sualsawm nak pawl le harsat nak pawl tuar thei dingin le Pathian ih a tikcu in pek mi pawl zum le upat thei dingin.

8.Remdaih nak

     Sunglam remdaih nak hmuih cohlang dingin le kan pawlkom awk nakah le nunphung pawlkom awk nakah  Remdaih nak hrang ih hman tlak mi si dingin

9.Dam ter nak

       Lenglam sunglam le Thlarau lam dam ter dingin le kan mai hrang khal midang hrang khal dam ter tu si dingin.

10.Kilhimnak

     Tihnungza pawl bum thlem nak pawl le Thlarau lam dotu pawl lak ihsin Pathian ih kilhim nak kan ngah thei nak ding in.

11.Thlasuah

       Kan ngah mi thluasuah pawl hrangah lungawi thu sim dingin le kan nunram ah Pathian kan hnen ih in um pi ringring ruangah lungawi thu sim thiam dingin.

12.Tangdor nak

     Pathian par ih kan beu nak le Pathian ih thluasuah kan tul thu kan theih fiang ih tangdor nak thawn kan um ringring thei nak dingin

13.Lungrual nak

     A bang aw lo mi biaknak le nunphung karlak ah lungrual nak le khat le khat theithiam awknak a can thei nak dingin.

14.Kumkhua nun nak.

    Nehhnu sanah rundam nak kan ngah thei nak dingin le kumkhua van ram ah Pathian thawn um tlang ngah ding in.

15.Hi thlacam nak pawl in Pathian thawn nai aw sin dingin.

        A duhdan ve ih nung dingin le a mai ramah tel thei ding in.....

16. Hi thlacam nak ih laksawng pawl in Thlarau lam thanglian nak ,

That nak tuah nak pawl le thatnak tuahnak thawn pehpar aw mi Kawhhran ih zirh mi thawn a kaih aw. Nan zate parah Pathian thlasuahnak um hram seh.