Pope Francis ih September thlahrang thlacam tumtah mi cu leilungpi ih ttahnak hrangah thlacam dingah sawm.(Sep 30, 2024)

Pope Francis ih September thlahrang thlacam tumtah mi cu leilungpi ih ttahnak hrangah thlacam dingah sawm.(Sep 30, 2024)

Leilungpi a satnak a sannak thu ruahnak in leilungpi cu a naa a si tin kan ti thei tiah Pope Francis in tui thla ih a thlacam tumtahnak a simnak video tawite ah a rak sim.

Leilungpi cu "a naa a si" a ti ih mi naa pawl thawn an bang aw tiah a sim. A sinan hi natnak hi kan ngai sak maw tiah a rak sut. Kiangkap ih harsat pe thei tu pawl ruangah minung ting thawng ziangzat hang lo pawl ih natnak kha kan thei thei maw?

Ahlei ce in tidai liannak, a sat luartuknak, asilole ruah maltuknak ruangah inn le lo tan tu pawl hi harsatnak tuartu pawl cu mifarah harsa pawl an si thu Pope ih amai thu a than nakah a rak sim.

Kan lehrulhnak cu sumdawnnak, nunphung le ramkhel lam tuahnak pawl khal thu khal a tel ih kau mi a si tul tiah a sim.

Farah nak mal dingih do dingah kanmah rori khal kan ap awk a tul tiah Pope Francis in a sim ih bulpak in siseh, pawlkom thawn pehpar ih thlengawknak pawl  tuahnak in kiangkap um daan kil him nak tuah dingah a rak sawm.

Pope Francis in September thla sung ah sersiamnak tik cucaan  tin Pawlpi in kan ti tikah "Leilungpi ih tahnak le kiangkap ih tihnungrapthlakza siatsuahnak pawl le nikhua a thlengawknak ih karlakah kanmah pakhat cio ah thinlung tak in kan ngai thei dingah kan umnak a si mi leilungpi kilhim dingah kan bulpak hna khal a si tiah a rak sim.

Septembet thla hrang thlacam tumtah mi cu Dicastery for the Promoting Integral Human Development thawn kom in a nepnawi in sim fiangnak an nei.

Pope Francis in thlacam dingah in sawm ih thlacamnak lawngin kan thinlungih a hngilh thei mi thinlung kha a thangharh ter thei ding tiah a cemnetnak ah a rak sim.

 Hi mi thu hi vatican thuthangin a tawizawngin kan leh mi a si. Kan thuthang a rak siartu zate parah Pathian thlasuahnak um hram seh.