Pope Francis in Pathian hnen kan fehnak lamtluan ah khawmzawhtu dinhmun in nel aw zet le hmunkhat te ih lungrual tlangnak um dingah zuam thei tlang uh si tiah sim. (September 5, 2024)

Pope Francis in Pathian hnen kan fehnak lamtluan ah khawmzawhtu dinhmun in nel aw zet le hmunkhat te ih lungrual tlangnak um dingah zuam thei tlang uh si tiah sim. (September 5, 2024)

Pope Frncis in Asian le Oceania ih a Tuukhal khual tlawnnak a ni thumnak septembet 5 ni tlawngkai nili ni zinglam ah Indonasia ram Jakarta khuapi ih Istiqlal Bali  (Mosque) ah feh in nisuahnak tlanglam ih a tum bik mi Bali (Mosque) ah biaknak lam thu rel tlangnak pakhat a rak tuah. A mah hmuahnak ah Grand Imam, Dr. Nasauddin Umar in sunloihnak thawn a rak hmuak.

Istiqlal Bali (Mosque) le Assumption Catholic Biakinn pi karlak ih um lamzinpi thawn a pehaw mi lungrualnak leithuai lampiah fehnak an rak nei. Istiqlal 2024 ih capi khal ah lethmat tthutnak an nei ih biaknak lam tidaan pawl ih sinak pawl kha tuahmawhnak le ziangsiar lo ih tuahnak nunphung pawl kha do dingah le rualremnak le remdaihnak kha khaisang dingah thupit in a rak langter.

Pope Francis in lungawi sopar zet le tlaitluangten in hmuahnak parah ka lungawi tiah a sim ih hi biakkhawmnak hmun le thlacamnak hmun cu minung pawl hrangah a thupi zet mi inn a si ih " a cem thei lo mi ruahsannak " kha mang ringring dingah, minung pawl hrangih  tik cu laknak hmun tin ralrin dingah a rak sim. kan mah pawl in kan thinlung sungah cingin Pathian thawn tongaw dingah, midang pawl thawn lungrualnakah nuamnak kha tongin tep dingah kan tul tiah a rak sim.

Pope Frncis in tonawknak, khatlekhat upat awknak le biaknak pawl lakah lungrual ten umnak le a bangaw lo mi thlarau lam thawn pehpar mi ruahnak pawl khaisang dingah, cu mi lam ih tuannak ah Indonasia miphun pawl ih a tumbik mi laksawng kha a rak sunloih. Bali (Mosque) ih thuanthu ah hi a zuamnak pawl cu tetti hmuh thei mi pakhat a si ih hi khua ih Christian kut thiam mi hminthang Friedrich Silaban in hi mi biakinn sak dingah design zuamawknak ah nehnak a rak co thu mangsal in a rak sim. Hi mi laksawng pawl hi nitin kilhim le dinsal dingah a rak forhfial.  Curuangah biaknak lam ih hmuhton mi pawl cu unau suahpi khatlekhat le a rualrem mi minung pawlkom pawl in hi tumtah mi pawl an thei tiah a rak sim.

Pope in kan nunnak cu thukzet in kan zohnak in a hmun khat mi kumkhua tidai halnak ah kan zaten unau kan si thu khawmzawhtu zaten Pathian hnen fehnak lampi hawlnak hmu thei dingah in thenthek ter tu pawl hnak in a tum deuh tiah Pope in thupit in a rak sim.  hi thuthang cu vatican thuthang in kan don mi a si.