Pope Francis cu Asia ih a kum mal bik mi le Catholic tambiknak ram a si mi East Timor ah thleng.

Pope Francis cu Asia ih a kum mal bik mi le Catholic tambiknak ram a si mi East Timor ah thleng.

Pope Francis cu tlawngkai nikhat ni ah East Timor, Catholic tikulh ah a thleng ih hi ram thar cu Bawinu Maria hnenah a rak ap. Virgem De Aitara ti mi thuluu hnuaiah a sunglawi mi Bawinu ih Khrih a pai nak ih humhimnak cu East Timor le a miphun zaten ka lo ap a si tiah Pope Francis in Khuapi Dili ih President Hauhruangah september thla ih an hmuahnak caanserh ah a rak sim.

Zo hman ih hnonnak tuar lo in mitin remdai in upat sunloihnak thawn a um thei mi a zalen mi Democrecy ukawknak in a remrual mi ram pakhat dinthei dingah le mission hnatuannak ah Bawinu in lo telpi in lo bawm hram seh tiah a rak sim.

Pope Francis cu 2002 kumah Indonasia hnen in zalennak a ngah hnu East Timor ih a hmaisa bik a thlengtu Pope a si ih kumzabi 21 ih a hmaisabik sovereign state ram thar pakhat ah a cang. Pope Francis cu Indonasia ram ih thilcang mi 1989 kum ih East Timor ih a rak tlawng dahtu Pope John Paul II ih keneh thluntu a si.

East Timor cu a tamsawn in Catholic biaknak an si ih East Timor ah mipum 1.3 million an um ih zatek 98 cu Catholic mipum an si.

East Timor ih zalennak zuamnakah Nobel Peace Prize in hminthang zet pakhat a si mi Timor President Jose Manuel Ramos- Horta in an ram cu Vatican siarlo Catholic mipum tambik nak ram a si ding tiah a rak sim.

Pope Francis ih East Timor ih a Tuukhal khualtlawnnak cu Catholic Khawhhran pi hrangah a thupi  mi ah a tel ih an ram zalennak an ngahnak kum 25 kimnak ni khal a si tiah sim.

Pope Francis ratnak dingah hmunhlapi in  mipi pawl cu vatican Thantar an hlir ih sun nisa ling demdeuh dingah a aihre le a rangrawi mi vatican Thantar vek a si mi Thawng pawl hnuaiah an rak ding.

President Hauhruang ih hmuahnak caanserh ah Pope Francis cu Meithal 21 thawn upat peknak an nei ih a kiltu le nauhak 29 kha an nunphung thuam thawn Pope Francis hnen pangpar peknak an nei ih a liangah Timor puante an sin ter. Hmuahnak ah Timor rampi hla an sak laiah nunau tampi cu puante thawn an mit thli an rak hnul.

Zalennak an rak ngah thok lai in harsa zetin a rak cangvai tu ramthar cu Pope Francis in Catholic Pawlih zirhnak  thlunin fimthiamnak lamah sumpai phum in pe aw dingah forhfialnak a rak nei.

Nan ni pawl cu nan no tuk lai. Hlan lai vekih nan nunphung le nan thuanthu pawl kha ka ti duh mi a silo, a sinan  East Timor mipum ih zatek 65 cu kum 30 hnuai minung lawnglawng nan si tiah Pope in rak sim.

Sumpai pawl cu a hmaisabikah fimthiamnak, innsang le cazirnak Tlawng pawl ah phum in hmang dingah Pope in pehbet in a rak a sim. Hi thuthang cu Catholic news agency in kan a tawi zawngin kan ngan mi a si. Casiartu zate parah Pathian thlasuahnak um hram seh.