Bawi Jesuh in in pek duh mi nunnak thar cu mi theih tam dingah tuah uh. May 30, 2020

Bawi Jesuh in in pek duh mi nunnak thar cu mi theih tam dingah tuah uh. May 30, 2020

Bishop pawl ih tuanvo tampi lakin mai Diocese sungah mah thawn Pathian hna a tuan tu Puithiam pawl, Brother pawl,  Sister pawl  hnenah tuu khal ih a ngan mi ca kuat ding khal ah tuanvo khal an nei a si. Cu mi cu a thu pi zet mi a si. Tirhthlah pawl in nunsimnak ca an ngan ih thlaza camnak, cibai buk nak, nun simnak, thangphawknak, le faknak ca pawl, lungawinak ca pawl ngan in kuat ding khal tuan vo pakhat a si.

Pope Francis khal leitlun ih a um mi Catholic Kawhhran pi hrangah Catholic Puithiam zate ih luu bik a si mi Pope a si ko na-in Roma hrangah cun Kaichuk din hmun in Bishop pakhat a si.Curuangah Pope cu man lo na cingin Rome Diocese kulh sungih a um mi Diocese sungah fehin Biaknak sungih a um mi zumtu pawl thawn Missa sumnak, thlacam nak pawl a tuah theu nak a si.

         Pope Francis cu kumtin Paschal tik cu caan thianghlim tlawng kai ni-li ni ah leitlun ih a um mi Puithiam pawl hrangah ca a kuat theu ih hleiah Roma Diocese kulh sung ih Puithiam pawl khal a dang ten ca kuat nak a nei theu a si. Tui kum 2020 ih thianghlim tlawngkai ni li ni khal covit-19 nat hrik ruangah mipi tel lo in Missa raithawinak a tuah a si. Cui tlunah ca khal a rak kuat a si. Cui ca sungah Pope din hmun in zumtu pawl kiang naite ah a um pi thu, covid nat tik cu caan khalah biaknak lam thawn pehpar aw ih theih nak , tuahnak pawl, a theih ter duh thu, a tu a thar mi kan fimnak, kan ruah nak, hmuhnak pawl cu pum pek duh nak thinlung a suah ter a si. Cu ti lawngah kan hman mi thazaang, pumpek nak hmuahhmuah khal a lak a si lo ding.

Pope din hmun ih kan dung thianghlim tlawngkai nili ni zinglam ah thianghlim sahriak a tuah ni zinglam( Chrima Missa tin tla an ko) ah Rome ramkulh sungih Diocese ih siangbawi pawl thawn tongaw dingin a rak ruah mi a si ko nan Covid -19 ruangih a cang mi thil um daan ruangah an tuahsal lo nak a si. Diocese ih an ton khawm awk nak  a rem can lo ruangah hi ti vekih ca a kuat nak a si thu, a hrek-khat Puithiam pawl ih zuamnak ruangah Diocese sungih tul sam mi pawl, tha zet ih zuamnak ruangah tampi thazang a ngah thu, Italy ram pumpi thawn Covid 19 pulhnat karhzai lo dingih khamnak pawl nasa zet in a um. Italy ram cu Covid-19 ih siatsuahnak na sa tak ih a ton ruangah minung 230000 in nat suan an tuar ih 33000 in thihnak an tuar.

Pope in Bawi Jesuh ih dungthlun tu pawl cu a hmaisa bik a thosal nak an ton theh hnuah inn khan tlungta ah an rak pum khawm aw. An tih tuk ruangah sangka an rak khar ih an laifangah a rung lang ih an hnenah daihnak um hram seh tiah cibai a buk hnuah thiangthlarau a thlah ding thu a sim a si. Mipi pawl thawn naih aw zetin an rak um. Rome Dioceseih Puithiam pawl cu Covid-19 natnak karlak ah an mai kawhhran mi pi pawl kiangah an rak um ih mipi lam ih harsat nak khal an bawm a si. Mipi pawl ih an riahsiat nak pawl khal an rak hnem thu, natnak ruangih innsang sungih thih nak a tuar tu pawl, harhdamnak hna a tuan tu    pawl, nunphung lam hnatuan tu pawl, hnon a tuar tu pawl, hngilh a tuar  tu pawl, thinnau mi pawl tha an pek thu, cu pawl thawn kan ni khal siatsuah thei mi an si thu  thei in, bawm tu run tu um lo din hmun ah an ton thu, hi pulhnat pi cu a sang a niam, a thu pi, a lian a farah,  innsang, nunphung din hmun a zoh lo a si. Mi tin zikte in nat suan an tuar. Kan ruah nak pawl khal buainak a thlen ter. Thusuh nakah san a thei lo. Kirsal theih lo mi nunnak a thar ih thawh sal ding asi. Cui nunnak thar in  a tho sal mi Bawipa ih kan mai hnen in pek duh mi nunnak a si. Harsat buainak tuar phah in kan mah le kan mah hngaphlap nak thawn kan tuah mi kan ti thei nak zawn pawl thawn a thar in kan thok sal ding a si. Nikhat ah Jesuh cu zianghman tuah lemlo in a dungthlun tu pawl lakah a rak um men. A sinan a dungthlun tu pawl hnenih a lang tikah Jesuh cu minung ruahnak, thuanthu ih a cang mi ih duh san a thleng ter thei a si. Jesuh ih an kiangih um nak cu " Ni thar nikhat" a ti duhnak a si. Curuangah Pope in Covid nat nak ruangah buaibai nak a um ko nan, a hmaisa bik thlah phoih nak ruangah hmailam nor ngam lo ih a um ding kan si lo. Christian pawl ih nuamnak cu Christ kan lai ah a um ti mi zumnak fumfe ruangah a rung suak mi a si. Jesuh vekin kan nun ramih kan ton mi hmuah pah thei nak cu " a tap mi pawl lakah tap ve uh" ti mi thawn a bang aw a si. Hi ti vekin a thuk mi le a man nei mi nun ramah kan thleng thei ih kan nuam ngaingai ding asi.

Hmai lam thu than ding le thuphuang ding cu Puithiam pawl ih hnatuan a si. Thawhsalnak cu thuan thu ih a tang dingmi a rak cang mi men a si lo. A thar ih run dam nak a phuang tu ding kan si.  Cui ruun damnak cu tui ni phur tlang dingah man cia ih um hi a si. Thuthangtha ih a suak mi in a tik cu ih zir in nun pi dingah a lung kim ding asi. Thinphan nak kan ton khal le tui caan cu a tho sal mi Bawi cu kan ke neh pawl a tlun lamin hnuai lam tiang a kil  veng a si.

Thuanthu ih a cang mi le a tu a cang mi pawl in ral thatnak in pek a si. A thosal mi Bawipai mangbang za tuah nak tong vivo hram uh. A thosal mi Jesuh cu ziang hmuahhmuah a thlengaw ter thei. Hmailam caan hrangah tumtah nak a nei unau si nak thinlung thawn tuan tlang nak cu kan tuanvo pakhat a si.

Duhdawt aw ding le tamdeuh ih pum pe dingah Pope Francis ih thu simnak ih netnak lam ih a ngan nak cu an ton mi din hmun tha lo karlak ih a ruah mipawl a nau le asi mi Puithiam pawl a theih ter duh thu, Hi ti vekin Pathian kan thangthat tikah si seh, kan unau pawl kan tuah sak caanah siseh, cui ruah nak pawl cu a lo bawm thei ding asi. Kan ni zate khal duhdawt aw ding le tamdeuh in pumpe dingin cui ruahnak pawl hmang dingah a forhfial a si.

https://bit.ly/2MkTcLZ