Hmailam ih ton ding leilungpi “Terra Futura” tiih hmin a nei mi ca uk thar in Pope Francis ih a famkim mi thingkung pawl a hmuh dan a lang ter. September08, 2020

Hmailam ih ton ding leilungpi “Terra Futura” tiih hmin a nei mi ca uk thar in Pope Francis ih a famkim mi thingkung pawl a hmuh dan a lang ter. September08, 2020 

         Khuapi sungih a cang rero mi ei in pawl khaisannak pawlkom a din tu le kiangkap thawn pehpar in cangvai tu Carlo Petrini le Pope Francis pawl a voithum nak thureltlang nak cu “hmailam ih ton ding mi leilungpi” ti mi ca uk thar ih hminsinnak a si.

         Pope Francis thawn “hmailam ih ton ding mi leilungpi” ca uk a ngan tu Petrini pawl ih thurelkhawmnak a voithumnak tiang rori 2018 ah Italy ram ih a cang mi linghnin, 2019 ah Amazon Bishop pawl pawlkom a thawh hlanih thilcang le 2020 Covid-19 pulh nat, hi vekih mi thin a khoih zet mi thilcang pawl par ah a bun aw.

         Petrini ih netabik ca uk a si mi hi ca uk cu Pope Francis in 2015 ih a rak suah mi Laudato Si capi in kiangkap kha thudik lo ih a cang ter tu siat suah tu pawl sim fiang ding le kan zate ih ruuninn a si mi leilungpi kilhim dingih sawmnak ah hram bun in a cang mi a si. A tui ca uk cu Pope Francis ih zirh mi pawl thawn leilungpi le leitlun ih a um mi milai pawl karlak pehtlaih aw ter dingah a thupi zet mi sawm nak pakhat a si. Hi thuthang cu September 4, 2020 ah Vatican thuthangih kan ngah mi a si.

https://bit.ly/33BU8Eb