Pope Francis in Papua New Guinea ram, Bougainville hrangah Bishop thar hril September 12, 2020

Pope Francis in Papua New Guinea ram, Bougainville hrangah Bishop thar hril

September 12, 2020

            Aliamzo mi zarhte sunah Pope Francis cu Dariusz Kaluza, M.S.F. Bishop cu Papua New Guinea ram, Bougainville Diocese ih Bishop tiin a ret. Bishop cu 1967 Polan ram, Pszczyna ah a rak suak. Amah cu M.S.F Pathian rian tuan tu pawlkom sungtel pakhat asiih, 1987 kum ah kumkhua thukam nak a la. Cui hnu 1993 kum ah Siangbawi can nak a ngah.

            Amah cu Polan ramih Parish a phunphun pawl ah Parish Siangbawi tiin hna a tuan. Cui hnuah Papua New Guinea, Mendi Diocese ah rian tuan tu tiin a thleng ih Parish Siangbawi tiin khal siseh, Pathian rian tuan tu pawl a suah ter thu tlawng ih tuanvo nei tu tin khal siseh, Bishop ih aiawh tu tin khal siseh, Diocese kilkhawi tu tin khal siseh, Madang Archdiocese ih Pathian rian tuan nakih tuanvo nei tu tin khal siseh hna a tuan.

            2016, June thla ah Papua New Guinea ram, Goroko ih Bishop tin hril a si. 2020 kum Pope zung ihisn suah mi ca vekin cui Diocese ah Catholic kawhhran mipi 160000 a um ih, mipum ih zatek 62.5 an um. Cui Diocese ah Parish 33 a um ih, Siangbawi 42, mipa, nunau Pathian hnatuan tu 87 an um. Siangbawi cang dingah tlawng a kai rero tu 12 an um. Himi thuthang cu Vatican thuthang ihsin kan ngah mi a si.

https://bit.ly/2RBWL3c