pope_pathian_thu_ruangah_thah_a_tuar_tu_minung_120_kha_mithianghlim_khaisang_theinak_zohfel_theinak_khuan_a_pek.

Pope cu Pathian thu ruangah thah a tuar tu mi 12 kha Mithianghlim khaisang theinak zohfel theinak khuan a pek

April 25, 2021

          Kan dung zarhte niah Mithianghlim khaisang nak thawn pehpar in zohfel nak zung ih tuanvo nei tu asimi Cardinal Marcello Semeraro cu Pope Francis thawn an rak tong aw. Cutiin an tong awk hnu Mithianghlim pawl tiin khaisang dingah lang termi Pathian thu ruangah thah a tuar tu mi 12 le Gospel cathianghlim thawn kaih in leipar ah nundam laiah nunpi mi kawhhran mipi menmen sungin pa 3, zaten 15 cu Mithianghlim khaisang theinak ziangzoi thok dingah khuan a pek.  Cu mi pawl cu,

1. Blessed Margaret of Citta del Castello a si. Amah cu Dominican kaing Sister a si. 1287 ah Italy ram, Metola ah a rak suak ih, 1320 April 13 niah Citta del Castello ah a nunnak a rak cem. Pathian rian a tuan ih a thih nak hmun hmin la in mi tampi in an thei. Amah cu Blessed pakhat tiin Nu Pawlpi ih Mithianghlim cazin cauk ah telh ding a si.

2. Pathian ih rian tuan tu Vicente Nicasio Renuncio Toribio le a rualpi 11 khal Mithianghlim tiin khaisang thei dingah zingzoi theinak khuan a pe zo. Anmah pawl cu "a sunglawi mi rundamtu" mipa Mithianghlim pawlkom pawl an si. Anmah pawl cu 1936 ah Spain ram, Madrid khuapi ah an zumnak hrangah thah an tuar.

3. Pathian rian tuan tu Pietro Marcellino Corradini cu Frascati Diocese ih Bishop a si. Amah cu "Collegine in thianghlim innsang" Sister kaing a din tu khal a si. 1658, June 2 ah Italy ram, Sezze khuapi ah a rak suak ih, 1743, February 10 niah Rome khuapi ah a nunnak a rak cem. Leitlun ah a rak nundam laiah a thil ti thei nak pawl cu danglam zet mi a si.

4. Pathian ih rian tuan tu Emanuele Stablum cu Pathian hnatuan tu mipa pakhat asiih, Pathian hrang kumkhua a ap aw tu Pathian hnatuan tu khal a si. Amah cu "sual hram nei loin nau a von tu Bawinu ih fapa pawl" pawlkom pakhat a si. Amah cu Italy ram Terzolas khuapi ah 1895, June 10 ah a rak suak ih, 1950, March 16 niah Italy ram Rome ah a nunnak a rak cem. Amah khal leitlun ih a nundam lai ah a hnatuan daan cu danglam in a lang sar tu  a si.

5. Pathian rian tuan tu Maria de los Desamparados Portilla Crespo cu Catholic kawhhran nupi nu pakhat a si. Amah cu 1925, May 26 niah Spain ram Valencia ah a rak suak ih, 1996, May 10 niah Spain ram, Madrid khuapi ah a nunnak a rak cem. Amah cu kawhranmipi menmen asiih hleiah innsang nupi asinan biaknak lam le nuncan ziaza ah mi tampi ih duh ih upat co tu a si.

6. Pathian ih rian tuan cu Anfrosina Berardi khal Khristian kawhhran menmen mi pakhat a si. Amah cu 1920, December 6 ah Italy ram Preturo ah a rak suak ih 1933, March 13 ah a nunnak a ram cem. Amah khal Catholic kawhhran mipakhat mi menmen asinan a nuncan ziaza ah danglam zet in a nung tu a si. Himi thuthang cu Vatican thuthang ihsin kan don mi a si. 

https://bit.ly/3sQ5gry