Leitlun PilePu le kum upa pawl in leitlun mino pawl ni hrangih thinglamtah cu  mino pawl hnen peknak nei ding.

 Leitlun PilePu le kum upa pawl in leitlun mino pawl ni hrangih thinglamtah cu  mino pawl hnen peknak nei ding.

       Pi le Pu pawl le kumupa pawl kilkhawi in tuanhlawm dingih forhfialnak cu Pope Francis, Pope a tuan thok lai ihsin thupi zet ih a ret mi a si.

PilePu pawl le kum upa pawl upat nak cu a nauhak lai ihsin a rak tuah thok zo.    Pope Francis in cui forhfialnak cu a tu khal ah a cat lo in a thangphok. 2021 kum ah Pope Francis in "Leitlun huap pilepu le kum upa pawl ni" cu a rak ngam hnget thok ih tui kum cun a vei 3nak a si thlang ding.Tui kum "PilePu pawl le kum upa pawl ni" cu July thla 23ah tuah a si ding.                                                                                                                                                                                                            Angaingai ngamhnget  mi ni cu July 25 ni a si. Pope Franci cu Leitlun Pi le Pu le kum upa pawl puai ni hrang Missa cu St. Peter Bacilica Biakinn pi ah zinglam 10:00 am ah a hoha ding. Hi mi Missa sumnak ah Leitlun hmun tin ih PilePu pawl, kum upa pawl 6000 luan an tel ding tiah an hisap cia a si.

       Missa raithawinak thehah Leitlun continent pi 5 aiawh in kum upa minung 5 in leitlun huap mino pawl ni ih khawmzawh ih a tel tu ding Continent 5 aiawh a si mi mino 5 pawl hnen Thinglamtah an peknak caanserh khal tuah a si cih ding. Hi tuah nak san cu kum zabi a dotdot in kum upa pawl ihsin kum no pawl hnen zumnak a rat ruangah a si. Hi tivekih tuah dingah Pope in a thu simnak ih a ti mi a si.                                                                                                                          Pope Francis in pilepu le kum upa pawl tikcu pe cio dingih a thang phoknak cu Leitlun huap mipi pawl in an rak thlun theu. Tahthimnak ah Canada ram Catholic Bishop pawlkom ih mino pawl in kum upa pawl kilkhawinak hmun an nei ih an mai pilepu pawl le kum upa pawl va lengin zoh dingah video file thawn a rak dah forhfial a si. hi mi thuthang cu Rome repport in kan don mi a si. https://bit.ly/479BR0S