Pope cu September thla ah Kazakhstan ah a tlawng ding. (August 2, 2022)

pope_francis_september_thla_ah_kazakhstan_tlawng_ding

 Pope cu September thla ah Kazakhstan ah a tlawng ding.

(August 2, 2022)

            Pope Francis cu avei 38 nak ram leng a Tuukhal  khualtlawnnak cu Kazakhstan ah September thlalai hrawngah a tuah dingih, Nur-Sultan khuapi ih tuah dingmi avei 7 nak leitlun hotu pawl thurelkhawmnak le nunphung biaknak thurelkhawmnak ah a tel ding.

            August 2 ah Holy See zung ih director Matteo Bruni ih a simmi cu "Cui ram ih mipi le biaknak lam upa pawl ih sawmnak cohlang in, Pope Francis cu tuikum september 13-15 ah Kazakhstan ah khual a tlawng dingih, Nur-Sultan khuapi ih tuah dingmi avei 7 nak leitlun upa pawl le nunphung biaknak congress ah a feh ding. Congress cu kazakh khuapili ah tuah asi ding.

            Tuikum ih an thuluu ding cu "pulhnat hnu leiltun upa pawl le nunphung biaknak thangsonak timi" asi ding. Kum thum tinten leitlun ih biaknak upa pawl cu nunphung biaknak upa pawl cu Nur-Sultan ah an tong aw theu.

            2003 ah a hlan Kazakh President Nur Sultan Nazarbaeu in a veikhatnak congress a ko. Kum 1986 ah St.John Paul II hnen in forhfial nak a dong ih remdiahnak thawn thlacamnak thurelkhawmnak cu Italy tlang Assisi ah tuah a siih cumi cu leitlun ih biaknak a phunphun le hotu pawl biak nak lam thurelkhawmnak, remdiahnak le thinlung hmunkhat ten um dingah tha pe dingah a si.

            "Spirit of Assisi" thurelkhawmnak cu kumtin Europe ih khuapi a phunphun ah tuah a si.

Pope cu khualtlawnnak a peh rero.

            April thlathok lam ah Pope cu video thawn a khualtlawnnak ding cu Kazakh President Kassym-Jomart Tokayev thawn tuah dingah a rak sim zo. Canada ihsin a tlunlam vanzam parih a simmi ah Pope in feh dingah a beisei lai thu a sim bet. "Atucaan ah Kazakhstan ah ka feh duh. Khualtlawnnak dingah a hnget hrih lo" thu a sim.

Kazakhstan thuhla pawl

            1991, December 16 ah Kazakhstan cu a hlan ih Soviet union in zalennak an ngah. Pew zingzoi n ak zung ih an simnak vekin ram ih zatek 70 cu Muslim, zatek 25 cu Christian ansiih, zatek 1 hnak ih mal cu Catholic an si tiin a sim. St.John Paul II nak cu Kazakhstan ih a veikhat nak a tlawngtu asiih, 2001 September 22-25 ah a rak tlawngih, a thuluu cu "midang thawn duhdawtnak" ti a si. Himi thuthang cu RVA thuthang ihsin kan don mi a si.

https://bit.ly/3OWMdqr

Add new comment

6 + 7 =