Pope in thlang Sudan ih Missa sumnakah : Jesuh Khrih hmin in huatawk nak ih hriamhrei pawl ret dingah sim.

             Zarhpi sun thlang Sudan ih Missa raithawinak ah Pope Francis in Christian pawl hnenah Africa ih ralbuainakah thil tha lo le thiltha lo pekawk nak, el awknak in san thuanthu thleng dingah thudik bawm dingah arak forhfial. Jesuh Khrihih tlangpar thu zirh mi le Jesuh hmin in airulhnak le huatawk nak ih hraimhrei pawl ret thlang uh si tiah Pope in Feb 5 ni Juba ih a thuthangtha simnak ah a rak sim.

         Duhdawtnak ih Pathian,Jesuh khrih hmin in nan mah thawn hi nah ka um, thinglamtah in daihnak a rak kengtu Jesuh, thihnak le that lonak pawl a nehtu, thihnak in a thosal tu Jesuh hi ram ih mipi le minungtampi hrangah thinglamtah ah thihnak a rak tuar tu a si tiah a sim. Thlang Sudon ram zalennak an ngah hlanah vanzam tlaknak in zalennak hotu John Garang ti ih mi theih tam mi John Garang hngilh lonak hmun ih an tuah mi Juba khuapi ah Pope Francis ih Missa raithawinakah minung tingkhat (100,000) hrawng an rak tel. kum 2011 hnu kumhnih a rei ah rapthlak za a si mi khuapi ral sungah an tla sal.

        Thlang Sudan ih khuapi ralbuainakah  minung ting 4 (400,000) an nunnak a cem. Ramsung then hrekkhat ah tuahmawh nak a thangih a liamzo mi kum thumlaiah remdaihnak lungkimnak an rak ngah zo nan buainak in a rak zel sal. Pope in Sudan ih Christian pawl hnenah Beatitudes (Bawi Jesuh  tlangpar ih zirh mi) thawn an nun a si ah cun thimnak lak ih a tleu mi khua tleu vek an si ding tiah thupit in a rak sim .

       Tuahmawhnak thawn a mawi zet mi hi ram cu nan mah pakhat ciar ih a um mi tleunak asilole cui hnakih a tleu deuh mi tleunak a tul tiah a sim. Cathianghlim a veikhat siarnak le a vei hnihsiarnak cu thlang Sudan, Rejaf in hngaktah zohkhentu sister in a rak siar. President Salva Kirr Mayardit khal thlang Sudan ih vice president pa nga (5), ramthen uktu 10 le a dang ramkhel lam hruaitu pawl thawn missa sumnakah a rak tel ve.Pope in a thu simnak ah  Christian pawl “that lonak asi mi ei ruknak, thenthekawknak, sumdawnnak ih bumawknak le thudik lo ih that lonak pawl kha kham in a tha mi nelawknak a dintu pawl” si dingah a sim.

Ziangtik hmanah ruahsannak hlo ter hlah. Remdaihnak din dingah na voco khal hlo ter hlah. Nan hnenah remnak le ruahsannak um hram seh. Thlang Susan khal ah remdaihnak le ruahsan nak um ringring hram seh tiah neta bik ah a rak sim.

https://bit.ly/3HXxfjQ