‘Man nei zet mi na si ih na thupi tuk” tiah Pope in Congo ih Puithiam pawl le thukam pathum la tu (Brother le Sister) pawl hnen sim.

‘Man nei zet mi na si ih na thupi tuk” tiah Pope in Congo ih Puithiam pawl le thukam pathum la tu (Brother le Sister) pawl hnen sim.

          Feb 02, Congo ih Kinshasa’s Cathedral of Our Lady ih thu a sim mi ah Pope Francis in Puithiam pawl, deacon pawl, Sr. le Bro. pawl le seminary tlawngta pawl hnenah, “man nei mi na si ih na thupi tuk, curuangah kan lo tul,” tiah a rak sim. Pope Francis in Bawi Jesuh Biakinn sungih apnak puai le leitlunhuap ih ap aw tu pawl sunloih ni ah Puithiam pawl, deacon pawl, Sr. pawl, Bro. pawl, le seminary tlawngta pawl thawn an tonawk laiah an nunram ah Bawi Jesuh a thupi bik ih re dingah le Gospel thuthangtha ih teette dinhmun in lunguam ten um dingah a rak forhfial.

          “Kan nunram ih thupibik ih Bawi Jesuh kan ret tikah kan hmuhnak a thleng aw ih kan zuamnak le harsatnak pawl lak in a tleunak in in thangso ter, a Thiang Thlarau in in hnem, a tongkam thawn thazaang in pek ih a duhdawtnak thawn in hngetkhoh ter,” tiah Pope in a rak sim.

          Pope in Puithiam pawl, thukam pathum latu pawl hnenah Pathian ih mipi pawl “lungnuam ter mi sii le ruahsannak” thawn Pathian ih zaangfah lainatnak hmuh dingah sahriak culh dingin a rak forhfial. A kumkhua Pathian ih hnemnak lamzin pawl, Gospel teette ih lungnomnak, tuahmawhnak nasa zet lak ah Prophet pawl ih remdaihnak, dungthluntu pawl ih duhdawtnak, miharsa pawl le hriamhma a tuar tu pawl ngaihsak dingah tiar cia ih um ringring dingin a rak forhfial.

          “Hniksaknak nasa zet pawl” a um ko nan, Biaknak lam hnatuan pawl in “Gospel thuthangtha ih lungnomnak” in ken sak,” tiah Pope in hngetkhoh zet in a rak sim.

          Biaknak lam hnatuan in hniksaknak le thlarau lam ih harsatnak pawl, leitlunih hnemnak le buulpak lole mipi theih in mah hrang ruat lo in Gospel ih teette pawl lak ih pahsuak mi lenglam ih ‘thiamnak, zirnak le thakhoh zet mi’ pawl an tong ding tiah a rak thangphawk.

          “A tha mi Puithiam pawl, deacon pawl, Sister, Brother pawl, tongkam pawl le tumtahnak pawl lawngin a daih lo: na tongkam hnak in nan ziaza ih a ring sawn a tul,” tiah Pope Francis in a rak sim. Pope in Bawi Jesuh ih Puithiam pawl, Brother, Sister pawl ih ministry cu “thimnak ih khuh mi lakah tleunak vekin naihniamnak le hnemnak pek ding hi a si” tiah a rak langsar ter.

          Hi thuthang cu RVA thuthang ih kan ngah mi a si.

https://bit.ly/3wVyt8U