‘Minung thahnak cu Pathian ih hmin in cawl uh’ tiah Ukraine thawn pehpar in sim (13 March 2022)

minung_thahnak_cawl_dingah_ukrain_thawn_pehpar_in_pope_in_sim

‘Minung thahnak cu Pathian ih hmin in cawl uh’ tiah Ukraine thawn pehpar in sim

(13 March 2022)

         Pope Francis thawn Zarhpi ni Angelus thlacam theh ah kohhran mipi pawl cu Bawinu hnenah thla an rak cam.

         ‘Mariupol’ tiin Bawinu’i hmin lak mi Ukraine ram cu ‘martyr pawl ih khuapi’ ah a cang zik thlang tiah a rak sim. Hi ralbuainak ah huatsuak in nauhak pawl, sual nei lo mi pawl, hriamhrei zianghman a nei lo mi mipi pawl thahnak tih a nung tuk tiah a rak sim.

         Hraimhrei zianghman a nei lo mi mipi pawl a do rero tu ralbuainak cawl dingah, hi ralbuainak cohlan a theih lo thu, khuapi cu thlaanmual ih a can hlan ah ralbuainak cawl dingah a rak forh. Lainatnak thawn Russia pawl ih Ukraine ram donak cawl dingah zaangfah a dil rero tu pawl thawn Pope in Pathian ih hmin harsatnak a tuar rero tu pawl ih thlacamnak ngaisak dingah, hriamhrei pawl, bomb pawl thawn doawknak pawl khal cawl dingah zaangfah a rak dil.

         Thurelkhawmnak ah a dik ih a tlaitluang mi tumtahnak pawl nei dingah, milai khat le khat zawnruat aw in a bawmtu ram tinkim thawn pehpar mi pawlkom ih bawmnak pawl ngah ter dingah, minung a bur vur ih thahnak cawl dingah, ralbuainak sungin a tlan suak thei tu raltlan miharsa pawl cu Herod in that dingah a hawl rero mi Naute Jesuh vekin mithmai pan ten hmuak dingah, Ukraine ram in a tlansuak tu raltlan pawl milai khat le khat zawn ruat aw in a bawmtu pawl zaten a lungawi thu, Sr. congregation zate khal remdaihnak lam hrangah thlacamnak hleice tak ih an tuah rero thu, Pathian cu remdaihnak ih Pathian lawng a si. Ralbuainak duhtu Pathian a si lo. Ralbuainak a duhtu cu Pathian ih a thianghlim mi hmin ziang siar lo nak ah a cang ter tu a si tiah a rak sim.

         Hi thuthang cu Vatican thuthang ih kan ngah mi a si.

https://bit.ly/3i7Nc99

Add new comment

1 + 1 =