‘Ruahsannak hlo ter hlah uh. A dik mi ruahsannak cu mi a bei dong ter lo’ tiah Pope in sim (April 15, 2022)

‘Ruahsannak hlo ter hlah uh. A dik mi ruahsannak cu mi a bei dong ter lo’ tiah Pope in sim

(April 15, 2022)

         Pasca puaipi hrangah Pope in kohhran mipi pawl hnenah ‘ruahsannak hlo ter lo dingah, a dik mi ruahsannak cu beidongnak a can ter lo thu, ruahsannak cu hngah a tul’ tiin Italy thuthanglatu Lorena Bianchetti ih thusuhnak ah a rak forhfial. Hi thuthang latu cu acozah lam thuthang zung pakhat a si mi RAI 1 ih thlah mi Biaknak lam programme cu Zarhtin Zarhpi ni ah thlah a si theu ko nan Thianghlim Zarh ‘tlawngkai ninga ni’ zaanlam ah an rak thlah.

         Tlawngkai ni nga ah Bawi Jesuh ih Thinglamtah hmai ah dai ten um in na thinlung dai ter aw. Cui thu suh awknakah Pope thawn thusuhawknak a nei tu pawl thawn ralbuainak, pulhnat, hi vansiatnak a thlen caan vekah zumnak a hngetkhoh ding thu le nunau pawl ih ralthatnak thu pawl an rak reltlang.       

         Pasca puai hrangah hlawm duh mi thawn pehpar mi thusuh cia nak ah ‘sunglam nuamnak hlawm dingah, a thupit thu, beidongnak tampi lak ah ruahsannak nei dingin, lungawi ruangih mitthli tlak mi hmuhtonnak vek um a tul. Curuangah ruahsannak hlo ter lo dingah, a dik mi ruahsannak cun beidongnak a can ter lo thu, tui kum Pasca cu ralbuainak lakah tuah a si. Curuangah ‘thluasuah mitthli, hnemnak le ruahsannak’ pawl dil a tul. Kan mitthli tampi fawr in thlacam ding a si. Milai pawlkom in ziangtin tap ding ti an hngilh theu. Mai sualnak ruangah rak tap rero tu Dungthluntu Peter hnenin ziangtin tap ding ti zir cio uh si. Mi pakhat khat an tuar caan pakhat khat thawn pehpar mi ralring lo ih tong pang lo dingah ralrin a tul tiah a sim.

A kau ih a thuk mi biakawknak

         Leitlun ih a cang rero mi ralbuainak thuhla Pope in a rak ruat. A thupibik in Ukraine ih a cang rero mi ralbuainak zoh in a thin nuam lo thu, minung taan (4.7) in an um nak tansan ding tiang a rak can ter thu, nauhak le nu pawl cu a thupit thu, raltlan pawl a then in an thennak khal Pope in ralrinnak pek in a rak lungkim lo. Kan mah in rundamtu Bawi Jesuh hman Egypt ram ah mivai dinhmun in a rak beu tu, natnak thawn a bang aw mi huatawknak thuhla siseh, ralbuainak ih thatlonak a rak sim.

Khuavang in in thleem rero. Ralring uh.

         Khuavang cun mi a thleem rero. Sualnak sungih tla dingah in thleem theu. Khuavang cu thuanthu a si lo. A ngaingai ah a um. Khuavang thawn biakawk pang hlah uh. Khuavang ah thatlonak thawn a khat rero. Asinan, nunphung pawlkom harsatnak a thleng ter tu pawl thawn rel tlang a tul. Ziangah tile an mah ah a tha  mi thlaici pawl a um thei theu. A si lo zawng ih hmannak khal ralrin a tul thu le hi vekih tuahnak thawn neta ah ralbuainak a can ter thei thu, hi tiin siatsuahnak pawl khal ton a theih thu, cu vekih tuah dingah cun santiluan ih mi thahnak hriamhrei. Raldonak mawtaw pawl a tul lo.

Nunau pawl cu an hngetkhoh

         Nunau pawl cu an hngetkhoh tiin khal a rak sim. Nu pakhat in a fa le pawl a cem net tiang a kilkhawi thei. A fale pawl ih nunram ziang ti vekin a um ti fiangten a thei. Cui tong cu a sim. A thei. Ngaingai ahcun nunau pawl cu ralrinnak petu pawl an si. Cathianghlim thawn pehpar in a sim mi cu Pontius Pilat ih nupi in a pasal hnenah sual nei lo tu ih vanthatnak thawn pehpar in puhmawhnak tuah lo dingah ralrinnak a rak pek. Asinan, a thu a rak ngai lo.

Mah te lawng umnak

         Pope in a bang aw lo mi mah te lawng umnak thuhla khal a rak sim. Tahthimnak ah March (27, 2020), St. Peter tualrawn ah covid 19 pulhnat hlo ternak hrangah tumtahnak a ret ih ‘thinglamtah’ an rak thlun. Tualrawn ah minung an rak um lo ding tiih a rak zum lo thu, hi vekih a cannak khal a bang aw lo mi mah te lawng umnak pakhat ah Pathian ih thu a simnak a si.

Pathian cu kan parah a tha

         ‘Pathian rian cu mah pakhat lawngin na rak tuah dah maw?’ tiah thuthanglatu in Pope a rak sut ih Pope in a rak um lo thu, Pathian cu a parah a that thu, a mah thawn a um ringring thu, a tirh a sian thu, ziangah tile a mahte lawng a tuah thei lo ti Pathian in a theih ruangah a si thei thu, Pawlpi a siatsuah ter mi hriamhma hrekkhat khal Pope in a sawhkhih ih khawvel thinlung nei mi ruahnak in Pawlpi tampi a siatsuah ih a naa ter. Khawvel ruahnak a um le Pawlpi sunnak a si.

Thianghlim tlawngkai ninga ah dai zirziar ih umnak

         Hi thusuhawknak suh rero lai ah zaanlam nazi 3 a kim zo. Curuangah thuthang latu in ziang tin a rak um thu a sut ih Pope in sim cih lo in dai ten a rak um. Ziangah tile zaanlam nazi 3 cu Cathianghlim sungah Bawi Jesuh a nunnak a rak cem caan tiah a tarlang.

         Hi thuthang cu Vatican thuthang ih kan ngah mi a si.

https://bit.ly/3xCnrqB