“A fate mi kan raithawinak in a tum mi cang dingah Bawi Jesuh in a thleng thei” tiah Pope Francis in a sim July 25, 2021

“A fate mi kan raithawinak in a tum mi cang dingah Bawi Jesuh in a thleng thei” tiah Pope Francis in a sim

July 25, 2021

          ‘Kan mai a fa te mi raithawinak cu a tum mi ah Bawi Jesuh in a thleng thei. Sang panga le nga pathum in mipi thawngnga luan khop zet in a rak cawm vek a si. Kan nih in nitin ‘Bawi Jesuh in kan thlacamnak, midang kan duhdawtnak thawn tuah mi thatnak, kan natnak pawl a hnenih ap nak khal a mai zaangfahnak thawn theh ko a tuah thei. Bawi Jesuh hnenah thil fate lawng kan pe nan a mah in tumpi ah a tuah thei. Pathian in hi tiin a tuah thei. Pathian in thil tumpi pawl cu zalen zet ih pek mi thil fate pawl in a tuah. Vei 17 nak Zarhpi menmen, Zarhpi ni ih ruah mi Mithianghlim John ih Cathianghlim ah Bawi Jesuh Sang le nga pahnih thawn mipi 5000 a rak cawm.

          Bawi Jesuh in mipi cawmnak dingah ziang hman nei lo mi dinhmun ih a tuah mi a si lo. Dungthluntu pawl in nauhak pakhat hnenin a ei dingih a timtuah mi midang pawl hlawm dingah hramhram ih an tuah mi vek a si. Hi dinhmun cu a dik lo. Zate hrang a daih lo ding mi sang  cu midang hnenin ziang tin so an lak ding? Nunphung lam ih zoh a si le a san a um lo. Pathian hrangah minung pawl ih neih mi zate cu a mai ta an si ih a dik lo ti a um lo. A um sun zaten zawnruahnak thinlung thawn a pet u hnenah lungawi thu sim a tul. Cui tirhsiannak thawn Bawi Jesuh in mipi zaten a rak cawm thei. Hi a ap ngam tu mi raltha thinlung kan zir a tul. HI thilcang thawngin Pathian in thil fate pawl in tampi ah a tuah thei ti zir a tul. A mah lawng tuah ter uh si.

          Hi mi tuahnak cu Bawi Jesuh ih hnatuan nak pakhat a si. Cu vek in Diocese ih thuanthu tluan ah Mithianghlim pawl ih rak tuah mi thil ti thei nak a si. A tlang pi thu in kan neih mi midang pawl hlawm dingah khawl in tam ter dingah kan tuah. Bawi Jesuh in a cem tiang pek ter in duh. Leitlun ih a cang rero mi riahsia za, ei in neih lo nak thawn pehpar in leitlunhuap ca zin an lak mi vek a si le leitlun ih um kumnga hnuai nauhak 7000 cu  thazaang um lo ruangah nitin an thi. Hi vek ih a can rero hi ningzahnak a si. Bawi Jesuh in Cathianghlim sungih thilcang in Sang panga le nga pahnih cu nuar nei lo in a petu nauhak vek in kan nih khal pe thiam ve dingah in sawm rero.

          Hi nauhak cu zo  vek a si; Khui tawk in a cang, a umnak tarlang a si lo ruangah kan mah pakhat ciar in ti mi a si. Bawi Jesuh ih sawmnak cu Cathianghlim sungih nauhak vek in tirhsiang ten pe thiam dingah ralthatnak kan tul thu, ei in lawng a si lo. Na ti thei mi, na neih mi ziang vek khal na unau pawl hlawm dingah Bawi Jesuh in hmannak cohlang uh si. A mal ding phang hlah uh.  A tak takih na hlawm le ziang hman na sung lo ding. Pathian in a tam ter ding.‘A daih lo ding ti mi ruahnak pawl hlon aw. Nangmah le nangmah zum aw aw. Duhdawtnak ah zum aw. Mi rian nak ih thil ti theinak zum aw. Hi vek ih peknak in a kim mi thil ti theinak zum aw’ tiin in rak forhfial.

          Angelus thlcam theh, July 25, ‘hmaisabik nak leitlunhuap pi le pu pawl le kum upa pawl sunloih ni’ tuah nak thuhla thawn pehpar in a sim ih St. Peter tualrawn ah a thleng tu khawmzawhtu pawl hnenah pi pu pawl sunloih nak ah an za a rak beng ter. Pi le pu pawl, kum u pa pawl, u pa, a lai lak, mino, nauhak pawl zaten Nu Pawlpi ih mithmai siseh, mi tar le mino kom awk nak a langter. Khawmzawhtu pawl khal kum u pa pawl, a hlei ce in hngilh mi mah te lawng a um tu pawl hnenah feh in tha a rak pek. Hi puai tuahnak in kan nih kum u pa pawl in Pathian ih kawhnak sang thei dingah, milai pawlkom ah kum upa pawl umnak ih man neih zia khal hmuh a tul. July 23 ah khal Japan ram, Tokyo khuapi ah vei 32 nak Olympic puai an rak thok. Covid pulhnat karhnak a tam tuk ko nan an rak tuah. Hi puai cu ruahsannak ih hmihsinnak pakhat a si. Leitlunhuap pi ih minung pawl cu unau thinlung tha thawn an rak zuam awk.

          Hi puai timtuah mi pawlkom, lehpannak pawl le puai cang suak thei dingah a rak bawmtu zaten Pathian in thluasuah pe hram seh.Tuluk ram ah tilian a tuar rero tu Tuluk ram hrangah a thinnuam lo thu, hi mi tilia ruangah minung 33 an rak thi. Hi mi tilian ruangah leiminnak le tilian ruangah lamzin a phit ih khual tlawngtu pawl hrangah aw lawng song nak a rak cang. Hi mi tilian ruangah mipi zaleng lo a himnak hmun ah an thawn thu, tilian ruangih a siat mi pawl cu taan 190 hrawng a um thu cui hmun ih thu nei tu pawl in an ring. Pope Francis khal in tilian in nunnak a rak liam tu pawl ih thlarau hrangah siseh, nunnak a liam tu pawl hrangh riahsia in a um rero tu an sungkhat pawl thawn thinkhat lungkhat ten thla a cam sak thu a rak sim.

   Hi thuthang cu Vatican thuthang ih kan ngah mi a si.

https://bit.ly/3BRMGom