“Nannih pawl cu ruahsan nak thlaici pawl nan si” tiin arts foundation pawlkom hnen Pope in sim ( February 4, 2022)

“Nannih pawl cu ruahsan nak thlaici pawl nan si” tiin arts foundation pawlkom hnen Pope in sim

(February 4, 2022)

            Pope Francis cu kandung tlawngkai ninga ni ah “House of the Spirit and the arts foundation” pawlkom cu Vatican ah a tong. Himi pawlkom cu ziang mi hlawk nak hman la loin “Khristian pawl ih zumnak man, zumnak a bang lomi pawl thawn thurelkhawmnak, biak nak lam mipi menmen pawl ih man le sinak” thupi ah ret in hnatuan tu pawlkom a si. Hivekin bawm ih tuan nak in leitlun killi ih zumnak ah thanau pawl biaknak lam ah nung sal dingah, thleng dingah, ahleicein anmah an neih mi thawn nunphung le thiam nak lam thawn minung sinak lang ter dingah tumtah a si.

Ruahsannak ih thlaici

            Cui pawlkom thawn tonawk laiah Pope in pawlkom sung tel pakhat ciar hnen a lungawi thu, thiam nak tiin ti asinan thiam nak lam lawng siloin, harsat tuar pawl thil zir nak pawl, miphun dangdang pawl, awnmawi thil zir nak pawl khal a tel. Cui pawlkom sungah innsang thekdarh in innsang thuhla pawl pakhat vial in zuam rero tu nu pawl khal an fa le pawl thawn an tel. Kut ke kim pawl lawng an si lo. Taksa kim lo khal cet tuah, thilri rem tu pawl khal an um vekin Missa raithawi nak tuah thei dingah  a tim tuah rero tu pawl khal an tel. St. Victor thawnginn ih thawng tla pawl le hnatuan tu pawl khal a tong. An zaten Lambardy ram then in an si.

            Pope dinhmun in an zaten par ih a lungawi nak cu anmah pawl cu ruahsannak thlaici pawl an si. Himi pawlkom ih bom nakin a bang aw lomi thinlung pawl hlon ding kha a lang ter. Ziangruangahtile himi pawlkom ih an hruai mi pawl cu kiangkap in an pom duh lo, minung ah an ruat lo. Asinan himi pawlkom cu mi tampi ih hnon mi lungto khawm sal in kaingkap thar an din. Cui kiangkap ulenau thinlung a nei mi an ding rero.

            Ziang tinkim a ol lo timi kan thei. Ziangtinki cu hninsi asilovekin pangpar khal an silo. Mi tinkim rikhiah nak an nei, dik lo nak an nei, sual nak an nei. Asinan Pathian zangfah nak cu kan sual nak hnakin a tam. Kanmah pawl cu ulenau suah pi vekin cohlang aw in Pathian in kan sual nak pawl in ngaithiam zo.

            Kan sual nak pawl in ngaithiam nak cu Pathian cu kan sualnak in ngaithaim ih, hmailam ah feh vivo thei dingah a si. Cui tonawk nak cu Nicola Piovani ih nganmi “Violin of the sea” musician pawlkom sung ih violin pawlkom ih hla sak nak in an cem ter. Cui violin pawl cu harsat tuar pawl ih to mi lawng ih thing thawn tuah mi violin asi tiiin an sim. Himi thuthang cu Vatican thuthang ihsin kan don mi a si.

https://bit.ly/3ry5vtE