“Pathian in a famkim mi Christian a tul bik mi a si lo” tiah Pope Francis in sim. (April 24, 2022)

pathian_in_a_famkim_mi_christian_a_tul_bik_mi_a_si_lo_tiah_pope_francis_in_sim.

“Pathian in a famkim mi Christian a tul bik mi a si lo” tiah Pope Francis in sim.

(April 24, 2022)

         Pathian in a lenglam ih rinhleh nak a um mi Thomas hnenah duhdawtnak thawn a rak sim. Cui a sim mi cu ‘a famkim mi Christian pawl ruahsan ding hnakin a mah a hawl tu, a ko tu, dungthluntu Thomas vekih zum lonak a si lo. Asinan, mah rori ih ton lawngah tiih nuarneihnak cun kan mai duh mi, si duh mi, kan zum lo nak cu zum thei dingin teette hmuhnak vek ah a cang” tiah Pope in sim, ‘Vancung Siangpahrang Bawinu’ thlacamnak cam hlan te ah a rak sim.

         Cui ni cu ‘zaangfah lainattu Jesuh’ Zarhpi ni khal a si. Siar mi Cathianghlim ah khal Bawi Jesuih dungthluntu Thomas par ih a neih mi zaangfahnak thuhla a si. Zaanriah an heal tlangnak khaan ih Bawi Jesuh a thlen caan ah Thomas a rak um lo. Thomas in kan mah pakhat ciar ai a awh. Kan nih khal Thomas vekin Bawi Jesuh a thosal zo, a mah cu kan mah thawn a um rero, kan nunram uktu a si ti ziangtin kan cohlang ding tiah rinhlehnak thinlung pawl thawn kan zuam rero. Thosal mi ruangpumpi ziang ruangah in dai ter lo, a um nak, a duhdawtnak thei sinsin dingah tu hnak in ziang ruangah in pek lo tiin thusuhnak tampi an sut ding. Kan nih cu Thomas vekin rinhleh mi ruahnak kan nei theu.

         Hi vekih a si ruangah ningzah ding thuhla a um lo. Tui ni ih Cathianghlim cu Thomas ih thilcang siarnak thawn Bawi Jesuh in ‘a famkim mi Christian a hawl lo’ ti kha tleunak langternak a si. Mah le mah famkim tuk, sual nei lo tiih a ruat aw tu pawl khal ‘mah le mah ka famkim tiih a hmu aw rero tu Christian pawl, Christian pawlkom pawl hmuh tikah zaangfak za an si. Ziangah tile Bawi Jesuh a hawl tu pawl sungah an mah le an mah cazin sungin an suah awk ruangah a si.

         Bawi Jesuh in a parah rinhlehnak a nei lo tu a hawl mi a si lo. Mah le mah ka famkim zo tiih a ruat aw rero tu Christian hrangah pakhat khat a palh zo. Zumnak nunram ah Thomas vekin tleunak le thimnak tiin a um tlang theu. Ziangvek zumnak kan nei? A remcang mi, thinlung thakhohnak, thathawhnak pawl a si ih rinhlehnak le a tlaitluang lo mi pawl an si.

         Cathianghlim sungih Thomas ih rinhlehnak thinlung vek kan ton caan ah thinphang lo dingah le zumnak lawng nei dingah zuam a tul. Thomas ih a rak ton mi dinhmun cu sualnak a si lo. Zumnak fehnak lamzin le a kel kawi pakhat a si. Hi dinhmun vek tonnak in in tangdor ter. Kan ruahnak sual ding dingin in rem sak. Kan nih cu midang pawl hnak in ka hleice cuang lo. Bomnak a tul tu pawl kan si. Pathian ih bomnak kan tul ti kan thei aw sal ding. Pathian hnenah kan kir sal ding. Rundamnak ih hriamhma tep in Pathian ih duhdawtnak veikhat hman a tep hrih lo tu pakhat vekin kan ruat aw sal ding.

         U le nau pawl, famkim lonak hi a tha sawn. Asinan, tangdor thiam mi zumnak thawn Bawi Jesuh hnenah kir sal a tul. Mah le mah uan awknak thinlung in in uang aw ter. In hrokhrol ter. Hi vek thinlung a nei tu pawl cun thluasuah an dong lo.

         Veikhatnak a rat lai ah Thomas cu dungthluntu pawl thawn a um lo ih veihnihnak a rak ra sal. Bawi Jesuh in a sung a pek dah lo. Hi vek dinhmun a um mi kan mah khal in beidong san men lo. A mah in cat bang lo in caantha in pek sal theu.

         Saangkaa kan khar cing hman in Bawi Jesuh cu ngah ding in a ra sal. A par ih rinhlehnak kan neih khalle a ra sal. Ziangah tile rinhlehnak thinlung cu Thomas vekih fiang ter a tul. Saangkaa a kiing ringring. Kan tha a nau ter ding mi, in ningzak ter tu ding thawn a ra sal dah lo. Sualnak tuahtu pakhat vekin rapthlak zet in thahnak a rak tuar mi hriamhma pawl thawn lawng a ra kir sal. Cu vekih a ratnak cun a duhdawtnak le kan tluk sawnnak a langter.

         Bawi Jesuh cu a dang caantha pawl tuahtu Bawi a si. Lamzin pakhat khat in on sak ringring. Netabik ih a rak ton mi dinhmun vun mang sal uh si. Cui a har zet mi (lo le) a hnok mi caan ah kan nih cu cui a hnok mi ah kan taang. Donkhamtu pawl kan rak tuah. Bawi Jesuh cu innsung ih lut thei lo dingin kan kham. Neta ahcun kan bangnak ah cu vek cang ter loin Bawi Jesuh hawl dingah, Bawi Jesuh hnen kir sal dingah, a ngaidamnak la dingah thinlung bot cat uhsi.

         Bawi Jesuh in in ngai thiam ringring. Hi vekin kan nih khal in mi zaangfah kan thiam. Midang pawl ih natnak khal ziang vek thuneihnak hman kan ret lo vekin hmuhsualnak um lo ten kan tuamhlawm sak thiam thlang.

         Kan dung Zarhpi ni cu Ukraine ah Russia ih a rak donak thlahnih kim ni khal a si. Russia ih raldonak cu February 24 ah a rak thok. Julian Calendar hmang mi nisuahnak lam Pawlpi, Catholic Pawlpi le Orthodox Christian pawl ih Pasca caan a bang awk lo. Latin tidaan hmang in Gregory Calendar a hmang tu kan nih cu a liam zo mi zarhhnih ah kan rak hmang zo.

         Pope dinhmun in an zaten mithmai pan ten ‘Bawi Jesuh a thosal zo. A mah cu a thosal tak tak zo. Bawi Jesuh in thinlung tha a nei tu pawl ih thinlung ah ruahsannak a seem ter. A tha lo mi an tuah mi ralbuainak lak ah remdaihnak pe hram seh tiah Pope in cibai buuk phah in thla a rak cam sak.

         Hi thuthang cu CNA thuthang ih kan ngah mi a si.  

 

 

https://bit.ly/3LTgBS4

Add new comment

2 + 10 =