“Thlacamnak ih harsatnak pawl pahsuaknak” May 19, 2021

“Thlacamnak ih harsatnak pawl pahsuaknak”

May 19, 2021

           Zarhtin mipi thawn tonawknak ah thlacam lai ih ton theu mi harsatnak pawl pahsuak thei dingah zuamnak a tul tiin Pope Francis in a rak sim.Tlawngkai nithum ni, mipi pawl thawn tonawknak ah Pope Francis in thlacamnak ah kan hmuhton mi harsatnak pathum a rak tarlang.

Ruahnak darhdainak, thlarau lam ah a car tiih ruah nak le thlacam paih lo nak, ninnak ti mi harsatnak pathum a rak sim.

Ruahnak darhdainak (Distractions)

          Ruahnak darhdainak lawng si lo in kan tuah tuan nak ih kan hmuhton theu mi pakhat a si. Minung pawl ih thinlung cu ruahnak pakhat lawng reipi ruah ding a har zet.Cu vek pawl cu Satan ih tukforhnak pawl a si ih ‘hi tukforhnak ih kan beidon men a si le ziang vek thil hman tha ten kan tuah thei lo ding. Pope Francis ih a sim fiang mi cu ruahnak derdai nak pawl cu sualnak ti ruah a si lo nain dodal a tul. Cu vek ih tuah thei dingah zuamnak cohlan a tul. Bawi Jesuh a rat ding tikcu le caan kan theih lo ruangah fimkhur zet le ralring ten tui dinhmun ih tuah tul mi tuanvo pawl thupit ih zuam zet ih tuah a tul.

‘Ruahnak tel lo ih car nak’

          Thlacamnak in ziang that nak hman in pek lo. Nuamnak le zuamnak in pek lo tiih ruah nak cu thlacamnak ah ruah nak a um lo (a si lo le) car nak a si. Asinain, kan thinlung sungin catbang lo ih a suak lem lo mi ruahnak derdainak thawn a dang aw tuk. Veikhat veihnih ah Pathian in thlarau lam khualtlawnnak car nak hmuh ton in on. Cu vek caan ah Pathian hnenah kan zumnak kan ap a tul. Voikhat voihnih ah ‘Acedia’ tiih kawh mi peih lo nak cu zaangzel nakin thlacam a duh lo ih hlei ah a dik mi Khristian nunram a dodal tiah Pope Francis in a rak sim.

          Pathian thuzirhnak ca-uk ih ngan mi zohthim in ulhnak a tak tak ih tuah nak a mal ruangah paih a si nawn lo ih thangphawknak a mal ter ih kan ruat thei nawn lo. Cu mi thi ter thei tu sualpi pasarih sungin pakhat a si ve ruangah ruahsannak in a thok ih thlarau thih nak ah a hruai thei.

‘Thlacam zuamnak’

          Hi vekin thlacamnakah ‘zuamnak le beidonnak’ pawl pakhat hnu pakhat ton caan ah Pope Francis in Khristian pawl thlacam sin sin dingah zaangfah a rak dil. Mithianghlim zaten hi thimnak an rak pahsuak ih thlacamnak le an zuamnak pawl kan theih tikah thinnuam lo in um hlah uh. Cu vek caan ah kan thlacamnak ih hngetkhoh dingah Pope Francis in a rak sim. “Zumtu pawl cu ziang vek caan khal ah thlacam an cawl dah lo” tiin a sim bet. Job vek in Pathian hnenah aihram in kan di a riam lo ah cun kan thanau caan a thlen tikah Pathian in Job vek in in sim sal ding ti kan thei.

          Pope Francis in “Pathian in kan mai a nasa zet mi le a kha mi phorksuak ih sim nak pawl cu Pa pakhat ih duhdawtnak kom in zumnak ih tuan mi thlacamnak phunkhat ah in nemhnget sak ding” tiah sim phah in a thusim a rak cawl. Hi thuthang cu Vatican thuthang ih kan ngah mi a si.

Photo courtesy of : Politics Time/google images

https://bit.ly/3u3IZXJ