1920 ih rak din thok mi nunphung thuam a hruk tu German tlawngta pawl ruangah Pope Francis mangbang. (November 7, 2021)

1920 ih rak din thok mi nunphung thuam a hruk tu German tlawngta pawl ruangah Pope Francis mangbang.

November 7, 2021

              Pope Francis ih tubaite a mikhual pawl sungah mipi ih mit a la zet tu pawlkom pakhat a um. Anmah pawl cu German miphun an si. "Munich" sak lam ih a um mi "Freising" ihsin a ra tu pawl an si. Anmah pawl cu 1922 ih rak din mi "Agilolfia Freising- Weihenstephan" tiih kawh mi Catholic tlawngta pawl pawlkom thawn pehpar tu pawl an si. Pope Francis le mipi pawl tonawk nak caanserh theh ah  anmah pawl in Pope Francis naiten an hmu thei.

           "Catholic biaknak cu kanmai tuah daan pawl ih a thupi mi pawl sungin pakhat asiih Rome khuapi feh in kanmah thawn 1meter hlat nakah a ding tu Pope hmuh thei nak cu kan hrangah a danglam zet mi thil a si. Himi cu a danglam zet mi thil a si thu. "Jakob Bery" timi mi pakhat in a hmuh ton mi a si.

           Himi Catholic phunsangtlawng pawlkom ih a dang zir mi cu science, ram le duhdawt nak a si. Cumi pawlkom cu a ralai dingmi 2022 ah a thupi zet mi kumkim ni an tuah ding. Pehbet in "Jakob Bery" ih asimmi cu "himi cu kan thinlung in nuam ter tu a danglam zet mi thil a si, ziangruangahtile hmaikum ah kan kum 100 kim kan tuah dingih himi sunloih dingah a hmaisabik ke kar nak cu Rome khuapi ih khual tlawn nak a si tiin a sim.

           Pope in mipi a tonnak hmunah nunphung thuam a hruk tu pawlkom pawl a tong phah theu. Daan le zumnak a rualrem tertu a hleice mi puai le puaipi tuah dingah Rome khuapi vekih  hminsinnak hmun pakhat ih hril a si theu. Himi thuthang cu Rome Reports thuthang ihsin kan don mihttps://bit.ly/3BOAPGA