Afghanistan hrangah thlacamnak, rawl ulh nak tuah dingah Pope in forhfial August 29, 2021

Afghanistan hrangah thlacamnak, rawl ulh nak tuah dingah Pope in forhfial

August 29, 2021

         Afghanistan ih khuapi Kabul vanzam colhnak bung a buak hnu Afghanistan ah tuahmawh nak pawl cawl dingah khawmzawh pawl ih ahleice ih thlacam sak nak, rawl ulh nak cu Pope Francis in August 29 zarhpi ni sunlai Angelus thlacam lai ah St. Peter tual rawn ah a thleng tu khawmzawh pawl hnen a cah. Kabul vanzam colhnak cu kan dung August 26 ah do a si. Pope cu Afghanistan ih dinhmun thinphang nak thawn a thlir rero. Afghanistan mipi pawl thawn a tuar ve. Cui bombuak nak ruangah mi tampi an thi. Tuanvo nei tu hnen khal zamrang thei bikin bawmdingah le thu relkhawm dingah, zangfah nak thinlung pawl thawn remdiahnak tuah in ulenau hmun khat in um tlang dingah le rampi ih hmailam hrang ruahsannak pe thei dingah zuam dingin a forh fial.

Prayer and fasting engage us

Thlacamnnak le rawl ulh nak tuah uh.

         A tuvek thuanthu um tlakthil ah kanmah pawl cu mah thawn pakhat khat tuah dingah dil nak a si. Himi thu thawn pehpar in Pope in a pehpar lo vekin um men a ngah lo. A thupi mi dinhmun a si. Curuangah khawmzawh pawl hnen khal thlacam dingah, rawl ul dingah, sual cawh kuan nak tuah dingah, a tui dinhmun cu hitivek tuah nak ding dinhmun a si. Pope in bom a tul mi pawl, ahleice in nunau pawl le nauhak pawl hrang ti thei tawkin a bawm tu pawl khal a lung a awi thu a sim bet.

         Kan dung August 15 ni khal ah Afghanistan ramih thuhla thawn pehpar aw in a thin a phang tuk thu khal Pope in a rak sim zo. Ziangruangahtile ramsungah a rak um mi America ralkap pawl an tlung ihsin Taliban misual pawl khal ram long nak an thok. Pope in amah thawn remdai ten Pathian hnen thlacam dingah le hriamhrei a tum le fate pawl ih kap awnakdai dingah, hmunkhat ten um in remdaih nak hrang thu relkhawm dingah a dil. Himi thuthang cu Aleteia thuthang ihsin kan don mi a si.

https://bit.ly/3yqpP0w

Ref:catholicmasses.org