Amai thu tlang sungah Malta ih tlawng ding a tel thu Pope Francis in a sim June 22, 2021

Amai thu tlang sungah Malta ih tlawng ding a tel thu Pope Francis in a sim

June 22, 2021

          Malta khuapi ih khualtlawnnak le ei in lam humhimnak thawn pehpar mi ih minister a si mi Clayton Bartolo le Vatican hrangah Malta ih Ambassador a si mi Frank Zammit pawl cu Pope Francis mipi pawl thawn an tonawk lai ah Pope Francis hnenah ‘Malta khuapi ah khualtlawn ter an duh thu le Malta khua mipi pawl khal in Pope ih tlawn ding an hngahhlap thu’ simphah in cibai an rak buuk.

          Pope Francis khal in Malta tlawng dingah timtuahnak a neih thu a rak sim. Minister Clayton Bartolo in Malta khuapi ih a thupi zet mi Biaknak lam hiipnak pawl ngan mi ca uk cu Pope Francis hnenah laksawng ah a rak pek. St. Paul in malta khuapi ah rul cuuk a rak tuar thu cu Pope in hnih suak ih a rak rel vek in ce poh awk nak ah “hi ca uk sungah ral pawl a tel maw?” tiah a rak sut.

          “Malta khuapi ah Biakkhawmnak hrangah hmun 590 luan a um ih zumnak a thei duh tu mikhual pawl hrangah caantha tampi umnak hmun a si. Malta khuapi cu a mawi zet mi tipi thuanthum le a nuam zet mi nikhua a um ih a mawi zet mi khuapi pakhat a si.

          Kumkhat sungah tamsawn in ni a thlang theu. Cu mi hrang lawng si lo in kan nungphung pawl, thuanthu sungtel pawl, Biaknak lam rothil pawl hrangah khal mikhual pawl ra tlawng uh. Pope Francis khal kan nunphung le thuanthu tampi zingzoi tu mikhual pawl sungin khuallian a si mi ra tlawng thei dingah kan ruah san a si tiah khualtlawnnak hnatuan le ei in tu pawl humhimnak thawn pehpar mi ih Minister in Malta tikulh ah lawng a siat lai ihsin thok in St. Paul ih a rak thawh mi Khristian Biaknak ih hlan Christian pawl ih cin le daan tamnak Rome khuapi ih um thuthang media thawn thusuh awk nakah tu vek in a rak sim a si.

          Hi thuthang cu Rome Reports thuthang ih kan ngah mi a si.

https://bit.ly/3h6CxLh