America ih tlawngta pawl Romeah an tlawng ih Pope thawn tongawknak nei. (December 12, 2021)

America ih tlawngta pawl Romeah an tlawng ih Pope thawn tongawknak nei.

(December 12, 2021)

         Vatican sungih um St. Peter Basilica Biakinnpi hnuai ih thlaan pawl in leitlun killi ih khualtlawng tu pawl a mangbang ter lai ding tiin Rome ih a tlawng tu, American Pyidawngsu, Chicago ramthen ih um DePaul university ih tlawngta pawlkom in an rak sim.

         Christian Pawlpi zingzoi ding ahcun Rome hnak ih tha sawn mi hmun a um lo thu le Catholic Pawlpi ih hramthawhnak an rak hawl thu, Pope pawl ih Biakinn tiih mi theih tam zet mi Sixteen Chapel ah khal an rak feh thu, Biakinn sungih um mi zaten duhnung zet, thatho ter mi pawl thawn a khah thu, Rome ih a thleng tu American University tlawngta pawlkom ih Sheryl Overmyer in a hmuh daan a rak sim.

         Cu mi pawl sungin Sarah Walton khal in tu vekih tlawnnak ruangah Catholic Pawlpi thuhla tampi a rak zingzoi thu, tui khualtlawn hlan teah tamtuk a rak theih lo thu, tu ah cun ngan bet mi thil zaten thuk deuh ih a theih thu a sim.

         Pawlkom sungtel pakhat a si mi Adiam Morrisey khal in Pope Francis thawn an rak tongaw ih nel aw ten cibai buuk aw in a rak hnam mi thawn pehpar in a thin a nuam tuk thu, a duh thu, tu vek ih hmuhtonnak vek a ruahnak men hmanah a rak ruah dah lo thu, TV ih zoh mi vekin a rak tep thu, theihkauhnak ca uk siar mi vek a si thu, Pope ih kut cibai buuk ngah in a rak hnam ngah, a rak biak ngah mi vek caan tha duh hman sehla a cang taktak ding tiin rin lo pi ih a can tikah a thinnuam thu lungawinak tongkam a rak sim.

         Hi American University tlawngta pawlkom cu America ihsin a tumbik mi Catholic University ih tlawngta pawl an si. An mah cu thuanthu zingzoi tu pawl an si. Pope ih kut nel aw ten cibai an buuk duh ruangah khal an zumnak a rak hngetkhoh ter. An mah cu Rome ah zarhhnih hrawng an um ih Pawlpi thuanthu an zingzoi ding.

         Hi thuthang cu Rome Reports thuthang ih kan ngah mi a si.

https://bit.ly/3E1vahw