Angelus thlacam nak hmun ah Pope in "santiluan kha doral in tangdor nak le zangfah nak hril uh" tiin a sim November 1, 2020

Angelus thlacam nak hmun ah Pope in "santiluan kha doral in tangdor nak le zangfah nak hril uh" tiin a sim

November 1, 2020

            "Pope Francis cu Mithianghlim pawl puai tuah nakah zumtu Khristian pawl hnen mah bulpak le leilungpi ih a thianghlim mi kawh nak cu ralring nak a pe. Pope Francis in Mithianghlim pawl puai pi ni ah Jesuh Khrist ih thoh sal nak parah a bun aw mi Khristian pawl ih a tum mi ruah san nak cu ruat dingah a sawm.   Zarhpi ni Angelus thlacam theh thu cah nak a sim tikah Pope in Mithianghlim hmuahhmuah le Pathian hnatuan tu pawl cu Khristian ruah san nak ih thilti thei nak a nei bik mi tetti pawl tiin a ti-ih, thianghlim nak, thinnem nak le zangfah  nak cu hril dingah kan zaten in sawm. Pope cu tlangpar thuzirh nak (8) sung in pahnih asimi 2 le 3 cu a ruat. Bawi Jesuh a zirh mi "2 le 3 thuzirh nak" cu tuini Bible ah "thianghlim nak ih lamzin" tiin a sim. (Mt 5:1-12)

A pahnih nak thuzirh nak

          Pope in thuzirh nak a pahnih nak thu cu "ninghang lungsia pawl cu mi thluasuah an si". An mah pawl cu Pathian in a hnem hai ding. Ninghang lungsia nak cu lungawi nak le hlim nak ih hminsin nak asilo ruangah himi tongfang pawl cu a ral aw tiin Pope in a sim. Asinan Bawi Jesuh cu nitin nunnakih harsat nak pawl, sual nak pawl le farah nak pawl ruangah ninghang lungsia pawl cu mithluasuah an si" tiin a sim. Cui harsat nak aiah mah le mah Pathian ih thladem thuai ah ap aw in zumtu pawl cui nat nak ziang ih rel lo nak, an thinlung pacang lo nak, asinan anmah pawl cu Pathian ih neem nak cu thinsau ten an hngak. Anmah pawl in cui hnem nak cu an nunram ah an tong ding" tiin a sim.

A pathum nak thuzirh nak

          Pope in a pathumnak thuzirh nak ah "lungnem mi pawl cu mi thluasuah an si. Anmah pawl cu Pathian ih kam cia mi an co ding" tiin a sim. "Bawi Jesuh in ka hnen in zir uh. Keimah cu lungnem le tangdor nak thinlung ka nei" tiin a sim. (Mt 11:29) Pope ih a sim bet mi cu "lungnem pawl cu mah le mah ziangtin an kilkhawi aw ding ti a thei tu, mi dang hrangah hmun a tan tu pawl mi dang thu ngai nak, midang pawl um tu daan asilole an tul mi le an dil mi pawl upat nak a lang ter tu pawl an si. Anmah pawl cu midang pawl uk dingah asilole hmuhsuam dingah tumtah nak an neih lo thu, midang pawl parah uk nak tuah an duh lo. An ruah nak pawl ruangah midang pawl uk an duh lo, anmah pawl cu midang pawl sung ter ding mi thil pawl an paih zawng a silo.

San ti luan kha ralsan awla, thuhman le remdaih nak hrangah lungnem nak

          "Hitivek minung pawl cu leilungpi le leitlun thinlung lamin man neih ter ding asilo. Asinan an mah pawl cu Pathian hmai ah man nei pawl an si. Pathian cu anmah pawl kumkhua nunnak timi hmun ro ah a pe. Himi thuzirh nak cu vanrang thuai ihsin a tlun tiang a famkim. Ahleicein hitivek caan ah leipar ih ral buai duh nak pawl a tam vivo ih, lungnem nak cu tangdor nak le zangfah nak thawn hmai ah feh dingah lamzin a si" tiin khal a sim bet. Curuangah Pope in a thiangfai mi nunram, lungnem nak le zangfah nak nunram cu hril in nun pi dingah zumtu pawl a forh fial. Thinlung thlarau tangdor nak le farah nak ah Pathian hnen mah le mah ap aw in tiduhsan cu leipar ih thinlung cu upat in san tiluan daan kha pial in feh dingah, neih mi timi san a nei lo mi lungawi nak, tha naunak nehin mihrangthatnak thinlung timi nunphung pawl upat in feh ding asi thu a sim.

Mi pakhat ciar le leilung pumpi thawn pehpar mi thianghlim nak ih kawh nak

          Pope Francis in Gospel lam zin cu Mithianghlim pawl le Pathian hnatuan pawlin pah ih an feh suak ih, tuini ah Mithianghlim pawl hnen sunloih nak timi puaipi a can nak cu kanmah pakhat ciar le leilung pumpi thianfai nakah kawh nak cu mang ter in minung pakhat ciar cu thiangthlarau ih duh daan vek in a dang lam ih sim bet a ngah lo mi lamzin a zawh tu a fiangfai mi ti daan pawl a lang fiang ter thu" sim in thuthangtha sim nak cu a cawl. Himi thuthang cu Vatican thuthang ihsin kan ngah mi a si.

https://bit.ly/2GrbHz7