Angelus thlacamnak hmun in Pope Francis in sualhramnei lo ih a sem mi Bawinu ih Puai in thlengawknak lamzin ih kan feh theinak dingah in thangphok rero December 8, 2020

angelus_thlacam_theh_ih_sualhram_nei_lo_ih_a_seem_mi_bawinui_puai_ni_ih_sim_mi.png (679.74 KB)

Angelus thlacamnak hmun in Pope Francis in sualhramnei lo ih a sem mi Bawinu ih Puai in thlengawknak lamzin ih kan feh theinak dingah in thangphok rero

December 8, 2020

 

          Pawlpi ih tuah mi Sual hram nei lo in a seem mi Bawinu ih Puai ni, tlawngkai nihnih ni ah Angelus thlacamnak hmun in Pope Francis in zumtu Christian pawl hnenah Pathian in Bawinu ih a rak ngah mi thluasuah hleice pawl cu ruahsan nak thawn a ngah vek in thlengawknak lamzin ih feh dingah rak thangphok a si.

          Bawinu Maria hnen thlacam hlan te ih Pathian thuthangtha a sim lai ah Pope Francis in Bawinu cu kumkhua nunram ih thluasuah a si thu kan nih in ziang tin kan sim sal ding ti ruat sal in a sim mi cu “Fala Thianghlim, Mary cu Fapa Jesuh thawn famkim zet ih komawknak ah catbanglo ih hmun dingah Thiang Thlarau ih pakhat lawng a tuan nak ruangah a mai nunram ah sualnak thawn a him,” tiah a rak sim.

“Thluasuah le famkimnak”

          Pope Francis in (Eph 1:3-6, 11-12) sungta, St. Paul ih a ngan mi vek in mitin cu a famkim mi thianghlimnak hrangah Pathian in a sersiamnak a si. A hramthok nakah Bawinui a neih mi cu Pathian ih thluasuah thawn thianhlimnak a pahsuak hnu lawngah netabik tikcu caan ah kan neih a tul,” tiah a rak sim.

“Bawipa cu nan hnenah a um”

          Pope Francis in “sual tuah a thiam hrih lo mi nauhak pawl hman sual hrampi an nei ih cui sualhrampi ihsin a rak cang mi kha do rero a si. Paradise ih a hmaisabik thleng tu cu Jesuh kiang Thinglamtah par ih thah a tuar tu pahnih sungin pakhat a si thu thu kan thei. Cu mi cu mitin hrangah Pathian ih pek mi Pathian thluasuah hminsinnak pakhat a si,” tiah a rak sim.

          Pope Francis in zumtu Christian pawl ralring ten um dingah a rak forhfial. Cu mi cu mai nunram ah thuk zet ih ruat dingah fimzet a tul lo.“Asinain, Pathian ih thinsaunak cu tha hnem zet ih hman thiam a tul. Tui dinhmun vek in hi ni kai hnget thei dingah a tha bik caan a um lo,” tiin a rak sim. 

Sualnei mi pawl hrangah thlacam sak aw

          Leitlun harsatnak ton rero caan ah khuavel mi vek in um lo in  Christian nunram in kan pah thei a tulThat lo nak hrial in Pathian thu ngai nak, Pathian  le innhnen pawl cu kan duhdawt ding zat kan duh hrih lo thu thei in mah le mah cohlan thiam a tul. Kan sambaunak pawl kan theih veten sualthlahnak Sacramentu lak a tul. Cui hnu ah kan tuah sual mi pawl rem that sal a tul.

“Tui ihsin thok in kan thih zik zawng ah”

          Pope Francis in a thusim cem nak ih a sim mi cu “Hi a harsa mi thlengawknak lamtluan cu kan mai thianhlimnak le thianfainak a cang ter tu lamzin a si. Kan Nu ih mawi nak cu tahthim theih a si lo. Asinain, a mah lam pan dingah in hip rero. Mah le mah Bawinu hnenah ap aw in “sualnak hrial dingah le thlusuah co dingah” mah le mah on aw uh si,” tiah a rak sim.

          Hi thuthang cu Vatican thuthang ih kan ngah mi a si.

https://bit.ly/3gA5yy0

Add new comment

17 + 0 =