Apostolic hnatuan nak

Apostolic hnatuan nak (December 14, 2019)

          Apostolic hnatuan nak (Dungthluntu pawl thawn pehpar aw mi a dotdot ih hnatuan nak) lole Pathian hnatuan nakah nunau pawl ih hnatuan nak parah Pope Francis in a lawmih tha zang a pek nak thu  (December 14, 2019)

          Italy ram nitlak nak lam ih Parish dangdangin Pathian hnatuan nak ah a tuan tlang mi Pathian ah a aap aw mi nunau pawl kha Pope Francis in a tong. Pope in cui pawl kom aiawhtu pawl kha duhdawt nak lawngin hnatuan ding a si thu a forh fial a si.

          Kan Cathianghlim sungih a tel mi nunau pawl ih thu kha a tarlangih nunau pawlih Pathian hrang pum pekih hna an tuan nak cu a thu pi ih a thahnem zet mi a si thu a tarlang ih a sim a si. Pathian hnatuan nak a si mi farah nauta pawl zohkhen nak, thawngtla pawl vehvai nak, kum upa zo mi humhalh nak, mivai pawl bom nak in Parish tin kimah Siangbawi pawl thawn hnatuan tlang nak pawl kha tuah cio dingin Pope Francis in a forh bet a si.

          Hi ti vekin hnatuan tlang nak cu Diocese hrangah a thu pi zet mi hnatuan phun khat a siih cui Pathian pek mi thlasuah pawl thawn Diocese a uk tu Bishop ih lungkim pi nakin lungrual ten tuan tlang ding khal tel phah in a sim a si.