Autism natnak a tuar rero tu pawl mitha Samaritan ah cang thei tiin Pope in sim. (April 01, 2022)

autism_natnak_a_tuar_rero_tu_pawl_mi_tha_samaritan_ah_cang_thei_tin_pope_in_sim

Autism natnak a tuar rero tu pawl mitha Samaritan ah cang thei tiin Pope in sim. (April 01, 2022)

         Pope Francis in kan dung tlawngkai ninga ni ah autism natnak a tuar rero tu pawl duhdawtnak lawng hmuhnak vek si loin an zaten tel in milai pawlkom khal in pakhat khat tuah sak thei tu pawl si theinak lam ah an mah tel theinak, pehtlaihnak, thinkhat lungkhat a um mi nunphung thuhla a rak sim. Pope cu April 02, Zarhte ni ‘leitlunhuap Autism pawl ni’ tuah sungnak ah Italy ram ih ‘Autism pawlkom’ (Italian Autism Foundation (FIA)) ih ai-awhtu (200) luan thawn an rak tongaw.

         Hi natnak a tuar rero tu pawl in ziaza pakhat, tong kamkhat, a fiang lo mi tong pawl tu le tu an tong theu. Pope in hi pawlkom ih natnak hawlnak tumtahnak pawl tu le tu an tong theu. Pope in hi pawlkom ih natnak hawlnak tumtahnak pawl le tha mal mi pawl, thatnak pektu pawl bawmnak programme pawl hrangah a lungawi thu a rak sim. Hi pawlkom cu a man sat theih lo mi cangvaihnak pakhat a si. Nunphung pawlkom ah ‘luantuk ih hmannak ’ nasa zet in fimnak a pek rero tu pawlkom a si. Hi nunphung cun neih mi le thathnemnak lawng thupi ah a ret. Kan nih cu luantuk ih hmannak nunphung ih kaiawk mi pawl kan si tiin khal Pope in a rak sim.

Zaten telnak thawn pehpar mi nunphung ti tikah…

         A phungphun in kutke kim lo tu pawl cu  hniksaknak pakhat a si. Cu vekin nunphung pawlkom pawl ah zaten tel thei nak tuah dingah caantha khal a si. Cui zaten tel theinak ah innsungsang pawl, saya/sayama pawl, FIA vek pawlkom pawl cu  hmunkhat ih an zuam mi a si lo. An zaten an ti thei mi lam in an bawm cio. Hi tiin autism thawn pehpar in a dik lo mi an cangvaihnak cu mitin in an thei thluh ding. An parih an ret mi an hmuhdaan pawl a thleng aw ding. Cu tikah mitin in sinak kan nei cio. A siat ol mipa nunau pawl cu mi tampi ih hrialnak an tong theu. Ngaingai ahcun nunphung pawlkom hrangah caantha pakhat a si.

         Autism a tuar rero tu pawl a kilkhawitu pawl cun midang bawm phah in hnatuan tha pawl an ngah. Citta di Castello khuapi ih Mithianghlim Margaret vekin a si. A mah cu kutke kim lo mi Italy miphun nunau pakhat a si ih a nunram khal mi harsa pawl bawm dingah Pathian hnenih ap aw tu a si. Hi dinhmun ah kutke kim lo mi midang pawl ih sunsaknak lawng an ngah ding si loin an mah rori khal in an bawm thei. Bible Cathianghlim sungih mitha Samaritan cu kutke kim mi dinhmun ah a mah rori autism a tuar rero tu vek a si ko nan a bawmnak a tul tu pawl cu mitha innhnen dinhmun in a bawm.

Telnak

         Zaten telnak ih umtu daan cu kutke kim lo pawl khal kutke kim lo mi pawl bawmnak programme pawl ah an tel thei salnak a si. An mah thupi ih retnak cu an mai kutke kim lonak zoh niamnak a si lo. An mah rori khal tel in an bawm thei nak the ter nak a si. Hi vekih cang dingah cun fimnak peknak, hnatuan fialnak, man caan pawl ah tel ter dingah a si. Pawlkom ih hmuhdaan pawl a thleng aw ko nan kutke kim lo par nunphung ih ruah daan pawl, baangraan in caantha pek thei lo nak pawl, hmuh nepnak pawl a um rero lai. Hi lilawn pawl tuan tlang dingah a rak forhfial.

Pehtlaihnak

         Covid-19 pulhnat sia le Ukraine ralbuainak ruangah kum upa pawl, kutke kim lo pawl le innsungsang pawl dinhmun in hlatawknak pawl a um rero ko nan pehtlaih in autism pawl tha pe dingah minung pawl ih harsatnak pawl cu programme pawl, simfiangnak pawl thawn tha mal mi pawl thupit cio dingah, Pawlpi le nunphung lam pawlkom pawl khal pehtlaih ih tua cio dingah a rak forhfial.

Sumdawnnak lawng….

         Hlanlai Christian pawl ih nunram zoh sal in sumdawnnak lam bawmnak thuhla a rak sim. Bible Cathianghlim in unau pawl cu sumdawnnak ih a lai ah re dingin in zirh. Cu lawngah mi harsa pawl, hnilh a tuar tu pawl, kutke kim lo pawl tla an tel thei ding. Mai duhhamnak, hlawknak lawng thupit lo dingah a rak forhfial.

         Hi thuthang cu Vatican thuthang ih kan ngah mi a si.  

https://bit.ly/3K53U5z

Add new comment

4 + 8 =