Avai mi innsang pawl ih nulepa pawl cu Mary le Joseph tei vekin mi raltha an si tiin Pope in sim (January 13, 2022)

Avai mi innsang pawl ih nulepa pawl cu Mary le Joseph tei vekin mi raltha an si tiin Pope in sim

(January 13, 2022)

            A vai mi harsat tuar pawl le an innsang pawl ih nulepa pawl cu miraltha an si thu Pope in tlawngkai nili ni ah Vatican media ih thusuhnak pakhat ah a rak sim. “Cui nulepa pawl cu kanmah pawl ih mi raltha pawl an si. Ziangruangahtile anmah pawl cu fa le pawl le innsang duhnak thinlung in nunnak pe ngam tiang an ralthat nak pawl an sungah ka hmu” tiin Pope in a sim.

            “Mary le Joseph tei khal Herod siangpahrang ih thuneihnak le tuahmawh nak pawl ruangah ram ihsin an tlan thu, cutivekin zo hman ih ziang ih rel lo nak nat nak pawl, thudik lo dinhmun ih a nung tu mi tampi nulepa pawl le innsang tampi raltlan tu pawl cu Europe le a dang ram ri pawl ah feh thei loin kir ter an tuar” tiin Pope in a ruahnak hlawm in a sim. Himi thuthang cu ANSA thuthang ihsin kan don mi a si.

https://bit.ly/3fsiDde