Bawi Jesuh ih zangfah nak meisa kha mi dang hnen zemdarh uh February 22, 2021

Bawi Jesuh ih zangfah nak meisa kha mi dang hnen zemdarh uh

February 22, 2021

            Pope Francis in Polan ram Plock myo ih St.Maria Faustina Kowalska hnen aveikhat nak a lang nak kum 90 kim kum hminsin nak ca ah kanmah pawl cu "Jesuh ih zangfah nak mei" kha mi hnen pek dingah kawh kan si thu a sim. Pope Francis cu Polan ram Plock myo ih Bishop hnenah Polan ram mi St.Maria Faustina Kowalska hnen zangfah nak thawn a khat mi Bawi Jesuh cu a hmaisabik a lang nak kum 90 kim kum hminsin nak ni ah ca pakhat a rak ngan.

            St. Faustina hnen a veikhat nak a lang nak cu zangfah nak Jesuh hnen upat sunloih nak ih a hram pi a si. Cui ca ah Pope Francis cu 1931 February 22 ah St. Faustina a theih mi "na hmuh daan cu ca thawn kawih aw in suai aw. Himi zuk cu biakinn ah upat nak pek in, cuihnuah leilungpi upat dingah ka duh mi mi tongkam pawl cu man sal a si. Pope Francis in Hi puai sunglawi cu leilungpumpi ah thehdarh asi zo ih, zum tu pawl ih thinlung sungah a nung ringring timi cu Plock myo ih kawhhran mipi pawl thawn a lung a awi ve thu a ngan.

            "Zangfah nak thluasuah cu Bawi Jesuh hnen dil uh." Pope Francis cu zumtu pawl hnen "zangfah nak thluasuah cu Bawi Jesuh hnen dil dingah a forh fial. Khrih ih zangfah nak cu "kanmah pawl in pom ih Bawi Jesuh hnen feh ngam nak ral that nak ngah dingah, saramentu sungah Bawi Jesuh ih duhdawt nak le zangfah nak co dingah a lang ter. Himi tuah daan thawn zangfah thiam in, tuar thei nak in duhdawt awk sin sin a theih ding.

            Pope Francis ih a ai a run awh mi "zangfah nak dungthlun tu" tiin timi Pope St. John Paul cu "leilungpi ih mi zaten hnen Pathian ih zangfah nak lak ter a duh thu" a rak sim. 2002 kumah Krakow ih Pathian ih zangfah nak biak inn ah a feh lai ah Polan Pope in "himi zangfah nak mei cu leilung ah darh ter dingah a tul" tiin a sim. Pathian ih zangfah nak ruangah leilungpi cu remdaih nak ngah in minung pawl cu lungawi nak an ngah ding.

            Pope Francis in "himi lang nak cu Plock myo ih kawhhran hrangah St.Faustina ih tlawng hrangah, Bawinu ih zangfah nak Sister pawl hrangah Plock myo hrnagah le nan zaten pakhat ciar hrangah sawm nak pakhat a si. Pope Francis cu a cem nak ah "Jesuh ih zangfah nak mei cu midang hnen darh ter uh. An lak ah Pathian ih um nak hminsim nak tiin nung uh" tiin sim in thuthangtha sim nak a cem ter. Himi thuthang cu Vatican thuthang ihsin kan don mi a si.

https://bit.ly/3aLGzGS