Beidong nak Nat nasazet in a tuar tu Lesbos ih harsat tuar pawl hnen Pope Francis feh in tha a pe ding . (November 30, 2021)

Beidong nak Nat nasazet in a tuar tu Lesbos ih harsat tuar pawl hnen Pope Francis feh in tha a pe ding .

(November 30, 2021)

              Pope Francis cu Lesbos ih harsat tuar pawl umnak ah 2016 ah a va feh dah. Cui harsat tuar pawl um nak cu kan dungkum 2020, September ah a kang. Himi harsat tuar pawl um nak cu Europe ih a tumbik umnak a siih, harsat tuar mipum 20000 an um. Mipum 2500 hrawng lawngih timtuah asiih a fate tuk mi harsat tuar um nak pakhat khal a si. Cumi ah harsat tuar 3000 hrawng cu harsa zet in an nung. Anmah pawl cu a dang leitlun le a dangten hnon tuar an si. An umnak inn khal in suah a ngah lo. Ziangvek bomnak khal an ngah lo. An hrangah cui dinhmun cu "Limbo" Dungthluntu pawl ih zumank thlacamnak ih cam theumi hell ram te dinhmun thawn a bang tiah an tah thim.

              Harsat tuar pawl ih harhdamnak a kilkhawi sak tu siibawi Augusto Cezar Meneguim in khal "cutawk ih a thleng tu harsat tuar pawl lakah a tamsawn cu a hlan ih an rak ngah mi beidong nat nak pawl a tuar tu tampi an um ih, thenkhat cu beidong nat besia zet in an tuar thu, thuhla pakhat lawng ruat in tuah ding ah a har thu, ziangruangahtile mipum an tam tuk thu, thinnat nak ruangah tihnak thinlung pawl ih hringhro nak sungah an suak thei hrih lo ruangah zan it that thei lo nak khal an tuar tiin a sim. Curuangah menmen nunram thawn nung dingah an har zet thu, harsat tuar pawl cu a him lo, a dai lo mi an khua le ram ah kuat sal ding thinlung a um ruang ah it thei lo, ei theilo in an um thu, an hrangah a tul bik mi cu thinlung lam damter nak a si thu, nauhak pawl khal an thinlung a sual sai ih, harsat nak an tuah theu thu, Greece vek thotho in a dang harsat tuar umnak 4 a um lai thu, 2014 ihsin thokin minung ting 20 hrawng cu Europe ah tlan in an um. Tuikum sungah harsat tuar 109000 an um thu an sim. Himi thuthang cu Rome Reports thuthang ihsin kan don mi a si.

Photo courtesy of The Times of Israel

https://bit.ly/3EaRXZe