Biakinn cu dawr le ramkhel a si lo tiah Pope Francis in sim November 26, 2020

Biakinn cu dawr le ramkhel a si lo tiah Pope Francis in sim

November 26, 2020

            Pope Francis cu Vatican, St.Peter Basilica ah November 22 ih tuahmi leitlun huap mino pawl puai ni vekin Christ the King Biakinn puai ni ih Missa raithawi nak theh ah sim. Pope Francis in Catholic Biakinnpi cu minung pawl sumdawn nak hmainor ih an tuah vivo nak dawr asilo thu a sim. Nov 25 zarhtin mipi pawl thawn tonawk caan ah Pope Francis in hlanlai Pawlpi in cin le daan pali a neih thu a rak tarlang. Pope Francis in hlanlai Christian pawl in dungthluntu pawl ih zirh nak, khat le khat humhim awk nak, sang phel tlang nak le thlacam nak pawl a thlun tu an rak si.

            "Hi a leng lamih a thanglian mi Biakinn sungih um mi pawl cu a der dai mi a um lo," tiah Pope in May thla in a rak thawh mi thlacam nakih a thuzirh nak pehbet in a sim sal. Dinhmun thei fiang dingah, zumtu pawl in pehtlaih awknak pali mah le mah suh awk a tul mi "Pathian thuthangtha sim nak, unau thinlung hngetkhoh zet ih hawl nak, zangfah lainat nak, sangphel tlangnak le thlacam nak pawl cu laksawng asi thu a rak sim.

            "Ziang hmuah hmuah hi Pathian hnatuan nak a um lo mi le hi pehtlaih awknak a um lo mi a si lo, Biakinn thawn a pehpar mi a silo. Himi cu Pawlpi a din tu Pathian a si, hnatuan nakih thawmvang awn au asilo," tiah Pope in a rak sim. "Biakinn hi dawr thil zawr nak a si lo. Biakinn cu sumdawnnak thar ih a feh rero tu sumdawn tu pawl finkhawm awk nak hmun men a si lo," tiah a rak sim. Biakinn cu "kanmah pawl pumkhat kan si thei nak dingah Pathian in kan hnen ih  a run thlah mi thiangthlarau ih hnatuan nak asi," tiah a rak sim bet.

            "Pawlpi cu a man nei zet mi Thlarau Thianghlim ih hnatuannak Christian pawlkom, community ih nunram, Bawipai thi le sa, thlacam nak sungah a um ringring tiah," a rak sim. Rualrem nak a ummi community a hmuh tinten riahsiat nak tumpi a tuar thu, asinain lamzin peng ah a zawh ziangahtile ramkhel le tonawkkhawm nakih din suak mi a hmuh tikah a riah a sia," tiah a rak sim.

            Keimah ten ka sut aw theu. "Asinain, Thiang thlarau khui ah a um? Khui ah thlacam nak a um? Pawlkom ih a tul mi duhdawt nak cu khui ah a um? Khuiah Bawipai thi le sa a um? tiah Pope in a rak sim. Pehtlaih awknak pali a um lole, Biakinn cu mipum pawlkom awk nak, ramkhel party, mipi tam le mal thleng awknak pawl cu mipum tam le mal vekin company ih tuah mi vekin a cang. Asinain cu tawk ah thiangthlarau a um lo," tiah a rak sim. Thiang thlarau a um nak cu hi pehtlaih awknak pali in tetti a hmuh tiah a rak sim. Pope Francis in, "Biakinn hi a dang company vekin biaknak lam ruah nak men ih thanglian mi a si lo. Duhnak thinlung thawn a thang lian," tiah a rak sim. "A si le zo in a thinlung duh nak a nei ter? Thiang thlarau asi," tiin Pope Benedict XVI ih a rak sim mi "Pawlpi cu biaknak ah a thanglian lo, zum nak thannak ruangah a thanglian," timi a rak sim bet.

            "Bawi Jesuh hnen thleng dingih in hip tu thiangthlarau a um lo le, cu tawk ah Pawlpi a um lo. Tumtah mi tha zet zet thawn rualpi sinak, mawi le duhnung zet zet a um men ding nain Pawlpi a a um lo, unau sinak ah a umlo tiah Pope Francis in a rak sim.

Himi thuthang cu RVA thuthang ihsin kan ngah mi a si.

Photo by Vincenzo Pinto/AFP

https://bit.ly/2JnfVIY