Buainak tampi karlak in Kawlram ih Jesuit Puithiam pawl mino pawl thawn kom aw in ke kar rero. (May 5, 2022)

Buainak tampi karlak in Kawlram ih Jesuit Puithiam pawl mino pawl thawn kom aw in ke kar rero.

(May 5, 2022)

              Covid 19 pulhnat le ramkhel lam buainak a cang rero mi Kawlram thawn pehpar in biaknak lam zingzoi tu pawl in  a tuvek thimnak caan ah Pathian khui ah a thleng tiin thu suhnak an neih thu, an buai thu, hnget lo in an um.

              May 6 ah “Magis Myanmar” pawlkom in a tui dinhmun ah mino pawl an thin a bang. Lam an hloh ruangah thlarau lam lamhmuh dingah tumtah in online in thurel nak program an tuah. Magis timi tong fang cu Latin tong a siih “bet in” ti duh san a si. Cui program cu Jesuit Puithiam James Martin in ho in an tuah. Atuvek har caan ah kanmah pawl cu buainak lawng kan ruat ih Pathian khui ah a um timi hawl dingah kan hngilh theu. Kanmah pawl  cu leitlun thu pawl in kan thluak in la ih, Pathian thawn biak aw dingah kan hngilh.

              Magis ih a hram pi thu 3 a um. Cumi pawl cu (1) thlarau lam, (2) nelawk nak, (3) rian nak pawl an si. Pawlkom ih a tel tu mino tinkim himi 3 a hrampi ah ret in an nung. Magis kawlram dinhmun in zumnak, ruahsannak, duhdawtnak timi 3 a pe. Himi 3 hram bun in mino pawl a tui ton mi buiaknak lam buainak pawl, harsat nak pawl khat le khat hlawm aw in ngai phah in, tha pep hah in pah thei dingah a si. Ma Ellin Khyu Khyu in “magis” thawn pehpar in a hmuh ton mi a hlawm. Zumnak hlawm nak cu nunram ah a tha zet mi hnatuan a si. Mi tinkim nunram ah a thim a tleu ih huap caan a um. Cui dinhmun cu mi pakhat ciar ih zumnak tleu thawn zingzoi ding. Online ih tonkhawm awk nak cu a hrang tleu nak thu ngah ter in, ton rero mi nat nak pawl khal zumnak phuan awk a theih. Thinlung a do tu thil zaten sim in suah a si. Ram sung ral lak ah thindaih nak ngah asi tiin a sim.

              Harsatnak le sawmnak pawl pahsuak thei dingah kan thinlung muril check sal in Pathian in ziang tin a tuah timi hawl ding. A hlan ih in pek mi thluasuah khal theih ding. Himi program ah a tel tu a dang pakhat asimi Alexanser khalin a thok lam ah thinlung muril ni khat veihnih check nak cu caan cem lak tiin ka ruat. Zianghman a si lo. Asinan komkhawm nak program ah thinlung muril check sal nak ih thatnak ruangah keimah le keimah ka thei aw vivo. Pathian ka nunram ah ziang tin a tong timi ka thei tiin a hlawm.

              Online ih tonkhawm awk nak tuah ti asinan internet line a tha lo. Himi program cu ram leng a thleng tu Catholic mino pawl bomank thawn tuah a si. Himi program cu zarhtin tuah mi thuhla pawl cu theology, psychology, sociology le harhdamnak lam a tel tu pawl ih an sim mi parah a bun aw. A dang mino pakhat khal in thenkhat thuhla pawl ka hrangah san an nei zet. Zarhtin relkhawm mi ihsin a thar a thar thuhla pawl theih a siih thlarau, nunphung, theihnak le ruahank a thar ter thu a hlawm.

              Ram thawn a hla mi mino pakhat khal in covid 19 le ram khel remdiah lo nak a can ruangah innsang hrang thinphang in thla khat hrawng hna a tuan thei lo thu, nikhat ah himi program cu social media ah a hmu ih cu mi ah phur zet in a tel thu, a ton mi thinlung lam buainak khal rualpi pawl thawn hlawmawk a theih thu, himi program cu ka hrangah thlarau le ruahank hrang a tha bik thazang a si thu a sim.

              Himi program ih a thok nak cu 2018, Cambodia ih tuah mi “Jesuit conference of Asia Pacific (JCAP) Magis pacific (Asia pacific magis) program ah Kawlram in aiawh tu 8 an tel nak in a thok. Cumi program ah tel in thla 3 a rei a hmaisabik tum cu Kawlram Jesuit pawlkom upa asimi Fr.Mark Raper ih tha pek nak thawn January 2011 ihsin march 2022 tiang a tuan thei. 2018 kumih tuah mi ahmaisabik tum cu zarh khat a rei. Himi program ih tumtah mi cu Jesuit pawlkom dintu St.Ignatian ih thlarau lam ti daan mino pawl lak ih lut ter duh nak a si. 2022 program ahcun (April 9 ihsin 11) tiang ni 3 a rei ih, Taunggyi ah an tuah. A tel tu 55 an um. Himi thuthang cu RVA thuthang ihsin kan don mi a si.

https://bit.ly/3NfajfM