Catbang loih vancungram hawlnak July 26, 2020

pope_francis_leads_the_angelus_on_monday_vatican_media.jpeg

Catbang loih vancungram hawlnak

July 26, 2020

            Pope cu Angelus thlacamnak hmun ihsin, lo ih thuh mi tahthimnak le a mang khung zet mi hlawnthil tahthim nak pahnih ruat phah in "kanmah pawl cu vancungram thazang neih tawkin,  cawl lobang lo in, a hawl tu  sidingah kawh kan si" tiin a sim. Tahthim nak pahnih sungah "mankhung mi hlawnthil hawl tu pawl cu an duh bik mi thil ngah dingah an neih mi zaten an zuar. Himi tahthim nak pahnih thawn Jesuh Khrih cu Pathain uknak hawl nakah tel dingah in sawm. Athupibikih thuhla pakhat asimi "Pathian ram hrangah pum a pe aw tu pawl cu ziangtinkim a pe tu pawl an si" tiin a sim. Pope Francis ih a sim mi cu "dingfel sinsin nak" timi thu potcat thiamnak cu man nei zet mi hlawnthil hawl dingah leitlun hlawnthil ziangtinkim an taan san thei a si.

            Pathian ih ram din nak cu "Pathian ih thluasuah lawng siloin minung ih phur ze ih cangvaih nak tul nak khal a tul" tiin a sim. Thazang neih tawp in cawl loih a hawl tu pawl Pope Francis in hitiin a sim "kan mah pawl cu Gospel Cathianghlim pawl ih thil um daan pom dingah sawm kan si. Cutilawngah kanmah pawl cu Pathian ih ram cu thatho zet ih a hawl tu pawl kan si ding" tiin tahthim nak pawl vekin a sim. Kan thil hawl nak ah in naum te ter tu " thilri hamtam nak, hawl duh nak, mah hrang lawng ruat nak" cutivekih leitlun thuhla pawl hnong in pek awk ding a si. Pope ih a sim nak ah"minung pawl cu a hman mi hlawnthil kan hawl lo ruangah nunram menmen le ning a um zet mi nunram lawng ah kan um. Ning a um zet mi nunramih khat lei lamah vancungram hawl nak cu nitin nunnak a thar in a rem ih a kau ih a nuam zet mi nunram ah in hruai. Pathian ih ram a hawl tu pawl cu ruah thiam nak a nei mi thinlung le zingzoi duhnak thinlung in anmah pawl cu Pathian khal siseh, inn hnen thawn duhdawt aw ding khal ah siseh lam zin thar ah a hruai. Thianhlim nak hrangih pumpek nak, Pope Francis in hitiin a sim "thuh mi hlawn thil le man a nei zet mi hlawnthil asimi Jesuh cu leipar ih lungawinak zaten thar thawh hramseh.

            Nunnak ih san cu hawl hmuh nak ih lungawi nak, thianghlim mi nunram pek nak ah mai nunnak pek nak ih lungawi nak cu in thar thawh sak hram seh" tiin a sim. Pope Francis in "Bawinu Maria cu Jesuh Khrih thawng in Pathian pek mi duhdawt nak cu kan tongkam le kan tuah nak ah lang ter dingah vancungram ih hawl dingah kan mah pawl in bawm aw" tiin thlacam nak thawn thuthangtha sim nak cu a cawl.

https://www.vaticannews.va/en/pope/news/2020-07/pope-francis-becoming-restless-seekers-of-the-kingdom-of-heaven.html?fbclid=IwAR0xdhm0OXg54G3M4_x2b1FuxAfhX3SAz9NCHR8E1RwyRaPjmj378NV_i00 

Add new comment

3 + 0 =