Catholic Bishop pawl ih a vei 16nak thureltlangnak –part 1 Pope Francis ih Synod onnak caanserh ih sim mi thuthangtha

Catholic Bishop pawl ih a vei 16nak thureltlangnak –part 1

Pope Francis ih Synod onnak caanserh ih sim mi thuthangtha

 Ka u le ka nau tla,

Pope John VI ih nitlaknak ram lamah pawlpi sungah “hmunkhat ten feh tlang ding ti mi lungput a hlo thlang” ti ih a rak sim dah mi kha ka vunmang sal. Hi mi ruangah khal Bishop pawl ih Synod hoha in tuah dingah pawlkom a rak dinnak a si.  Hi Pawlkom ih tuahnak thawn conference tampi kha tumtah mi phunphun nei in an rak tuah nak asi. Asinan hmunkhat ten khual tlawngtu Pawlpi dinhmun in tuahsuaknak ah tulsam nak pawl a rak um lai. Keimah kha hiti vekih Synod pakhat ih tel dingah Secretary dinhmunin tuanvo ka lak lai ah mepe in tuahsuak dingih ka um laiah Conference ih secretary a si mi Cardinal in “ziang na tuah” ti ih suh tikah “thaizing me pek nak ding ka tuah rero” tiah ka rak sawn dah.

Cutik ah a mah in a tul lo pi hi thu hi me thawn kan botcat lo tiah I rak ti.  Ziangruangah tile kan mah khal in Conference ah mi zaten luatlat zet in mai ruahnak pawl kan lang ter thei ti mi felten kan thei lo. Hi ti vekin kum 60 zikte sungah Conference ih tidaan pawl cu nuamteten a tizia vivo ih a tu ah cun khual a tlawngtlang mi Kawhhran pi dinhmun in kan tuah nak a si. Hi cu olten cu a cang suak mi cu a si lo. Bishop pawl in hi ti vekih tuah dingah a tik cu a kim thlang ti an theih ruangah hi tumtah mi thawn Synod hi kan tuahnak a si. Kei ih ka sim duh mi cu Synod ti mi cu Hluatdaw kawh thawn cun a bang aw lo. A nai aw mi pawl tongaw in a tui ton rero mi buainak pawl reltlang dingah , mai ruahnak men rel ding le sim dingah tuah  mi a si lo. Synod a hoha tu cu Thiangthlarau a si.

Kanmah lam in-hruaiih in hmuhtu Thliangthlarau cu kan laiah a um a si le hi mi Synod cu a tha mi Synod thurel tlangnak a si ding. Cuti siloin milai sinak ih hmuhnak, ruahnak polocy lawng thupit ih kan rel a siah cun hi mi cu Synod si nawn lo in Hluatdaw tuah rero vek men kan bang ding. Pawlpi ih lamluanah Thiangthlarau cu a thupi bik ih cangvaitu a si. Thiangthlarau ih thlasuahkan ngah lawngah minung pawl runnak an ngah ding a si. Penticost puai ni ah Thiangthlarau in an zaten phunkhat si dingah a rak tuah mi a si lo ih pakhat le pakhat ih bangawk lonak in khat le khat lungrual dingah a rak tuah mi a si.

Hi mi Synod theh in bangawklo nak um lo in kan zaten lungrualten kan botcat ti mi thuthannak catlang a suah tikah Thiangthlarau tel pi mi Synod a si lo ding. Thiangthlarau Pathian cu a bangaw lo mi khal bangran te in komaw thei dingah tuah sak tu asi. Pawlpi a kilkhawitu khal Thiangthlarau Pathian hi a si. Kanmah pawl cu Thiangthlarau Pathian ih aw a phunphun khal ngai thaim dingin kan zir a tul a si. Pawlpi a suahkehnak khal Thiangthlarau Pathian a si. Thiangthlarau Pathian riah a sia ter tu thil cu san a nei lo mi ttongnak a si.

 Hi mi ti daan cu kan lakah kan thliksungah a tang theh vekin  a um. Hi mi thawn pehpar in Bible cathianghlim sungah  Pathian Thlarau Thianghlim kha riahsiater hlah uh; ziangah tile Thlarau cu Pathian ih ta nan si ti hminsinnak a si ih Pathian in a lo luatternak Ni a ra thleng ding ti theihnak aamahkhan a si tiah ralrinnak a rak pek mi a si. Midang ih dunglam ah a thusia rel hnak cun hi Bishop ih sim mi, hi mi Sister ih sim mi, hi mi ih sim a san thei lo ah cun a hmaiah fiangten sim aw. Hi mi hrangah Synod kan tuah rero nak a si. Curuangah Thiangthlarau riahsia dingih tuah lo dingah fakzet in ka lo cah duh tiah a rak sim.  Cun Thungai thiamtheinak tha nei cio dingah ka ka lo forh duh. Asimtu silo in a ngaitu si kha thupit thei dingah Thiangthlarau in in thangphok rero khal mi tampi thei dingah Media pawl khal in bawmin tuah dingah zaangfah ka lo dil a si.

BawiJesuh a rak thihni tlawngkai ninga ni ah a dungthluntu pawl daiten an um vekin kan ni khal daidimten pakhat le pakhat thungai aw thiam dingah kan zuam a tul a si. Hi mi cu a thu pi zet mi thutlang khal a si. Nan mai zuamzet ih nan tuah mi pawl hrang khal ah ka lungawi thu ka lo sim duh. Nan zaten ka lungawi. Hi thuthang RVA thuthang ih kan don mi a si.