Catholic kutsihnak cu tuah daan kel pakhat siloin laksawng pakhat a si thu 2022 leitlun innsang pawl thurelkhawmnak ah Pope in sim. (June 24, 2022)

catholic_kutsihnak_cu_tuah_daan_kel_men_si_lo_in_laksawng_pakhat_a_si_thu_pope_in_sim.

Catholic kutsihnak cu tuah daan kel pakhat siloin laksawng pakhat a si thu 2022 leitlun innsang pawl thurelkhawmnak ah Pope in sim.

(June 24, 2022)

              Kutsihnak pawl cu tuah dingmi daan lawng asilo. Catholic mi pakhat si ruangah siseh, daan upadi thlun dingah siseh, Pawlpi ih zirhmi ruangah siseh, party puai tuah duh ruangah siseh kut na sih ding a tul lo tiin June 22 ih tuah mi leitlun innsang pawl thurelkhawmnak ah Pope Francis in a sim. Kut na sih nak cu lungto vekin a hnget mi Khrih ih duhdawtnak parah hram bun lawng in tuahnak a si tiin khal a sim bet.

              Mipa pakhat le nunau pakhat an duhawk tikah Pathian in kutsihnak timi laksawng a pek. Kutsihnak cu a tha a cak mi a tummi laksawng asiih a hnget mi rintlak nak nei in sungnak le natnak ton tik khalah tuar theinak duhdawtnak asi thu Pope Francis in a sim.

              Leitlun innsang pawl thurelkhawmnak cu 2022 ah Vatican ih Paul VI khan ah innsang pawl puai thawn an ong. Cumi program ah Italy rock opera trio II Volo khaisannak thawn an lang ter. Pope Francis thawn leitlun killi ih innsang 2000 hrawng an tel ih nupa pawl ih tetti khan mi pawl le mi dang rian nak ah ton mi pawl zum ban lo tiang in an pah suak thei tu mi pakhat ciar ih thil cang pawl an ngai.

              Avei 10 nak leitlun innsang pawl thurelkhawmnak cu June 26 ah a cem ih kutsih nak le innsang thawn pehpar mi thu pawl cu Catholic mi menmen pawl in ni 3 sung an rel khawm. Bawi Jesuh Thi le Sa biaknak le Missa raithawinak pawl ah an tel. Kutsihnak ah pakhat le pakhat pekawk nak ah thazang nei dingah Khrih amah rori in amah le mah nanmah hrang a pek awk nak thu thazang la uh cu tiin innsang nunram cu a cang thei lo timi a um nawn lo. Kut sihnak saramentu thluasuah ruangah mangbangza khualtlawnnak lamtluan ah mah lawng siloin Khrih tahwn feh uh tiin khal Pope in a sim.

              Innsang nunram cu a mawi mi ruahnak zohthimtlak pakhat asi lo vekin ngah taktak dingah a cang thei lomi khal asilo. Pathian cu nanmah thawn a um ding timi cu kutsih ni hrang lawng siloin na nunram lam tluan hrang a tel thu, nitin nunnak lamtluan khalah Pathian in a lo um pi Pope in a sim. Himi thuthang cu RVA thuthang ihsin kan don mi a si.

https://bit.ly/3AqRB1l

Add new comment

5 + 4 =