Catholic Pawlpi le Lutheran Kohhran karlak lungrual nak hrang zuam sinsin dingah Pope Francis in forhfial June 25, 2021

Catholic Pawlpi le Lutheran Kohhran karlak lungrual nak hrang zuam sinsin dingah Pope Francis in forhfial.

June 25, 2021

            Pope Francis cu Augsburg zumnak pom nak ih kum 451kim nakah leitlun Lutheran pawlkom ih aiawh tu pawl thawn an tong aw. Agusburg zumnak pomnak zu a hram thok in nitlak nak ram Khristian kohhran ihsin suak nak pial nak ah zuam nak asinan, neta lam ah cun Lutheran pom nak ih ahrampi tiin an rak pom. Pope in "kanmah pawl kum zabi pakhat hnu pakhat kan tonmi buainak ihsin kan hmuh mi lungrual nak tiang tuah thei dingah mah le mah buainak tong dingah on awk nak a si. Himi buainak timi cu Pathian hnen ihsin a ra mi thluasuah a si. Pope Francis in Khristian zate thawn pehpar mi man nei mi thil pawl cu Pathian pakhat lawng, taksa pakhat lawng asimi le tikholhnak pakhat lawng a si thu rak hminsin.

            Pope in a thianghlimmi tikhoh nak timi cu biaknak lam thawn pehpar mi zuamnak pawl le rualrual nak ngah dingah kan pekawk nak a hrambun in leitlun a hram thok ihsin Pathian ih in pek mi thluasuah a si. Ziangruangahtile Khristian zaten lungrual nak timi cu Pathian riantuan tu pawl ih hnatuan pakhat a silo. Pathian ih thluasuah thawn ngah thei mi khualtlawn nak pakhat a si.

            A famkimmi lungrual nak ah feh vivo dingah Khristian pawl zaten Pope in thazang a rak pek. Pope in "thlarau lam biak nak lam tangdor nak in thenthek nak a cang ter tu dinhmun pawl zohfel sal dingah a thupi. A hlan ih riahsiat nak pawl hlon ding ah a cang thei nawn lo nan, kom sal nak thuanthu ih then tiin tuah sal a theih. Leitlun Lutheran pawlkom aiawh Nigeria Lutheran kohhran ih Archbishop Musa Filibus cu Missa raithawi nak ih hman mi pakan pai (Paten) le Chalice khuat cu Pope hnen laksawng tiin a pek. Cumi cu leitlun hmunkip ih Catholic mipi pawl le Protestant pawl tel in Taize Community ihsin tuah mi a si. Pope in thurelkhawm nak ih a tel tu zaten "Khristian pawl karlak a famkim mi lungrual nak dinsal nak" hrang thlacam tlang dingah forhfial in thu relkhawm nak a cem ter. Himi thuthang cu Rome Reports thuthang ihsin kan don mi a si.

https://bit.ly/2TaKeIf