Caucasus hmun remdaihnak ngah dingah Pope Francis in zaangfah dil. September 27, 2020

Caucasus hmun remdaihnak ngah dingah Pope Francis in zaangfah dil. September 27, 2020

         Pope Francis in Armenia le Azerbaijan ram pawl sungih thu buai a cang rero mi pawl cu hotu pawl hnenah remdaihnak din sak dingah zaangfah a rak dil.

         A hnok zet mi cui ramri hrangah a sehreh thu, thla a cam sak thu le remdaihnak cu ti lo theih lo in lak lo dingah Zarhpi ni, Angelus thlacamnak cam theh ah a rak sim.

         Christian kawhhranpi zate khal remdaihnak hrangah thlacam bawm ve dingah zaangfah a rak dil. Armenia le Azerbaijan ramri ah thu el awk nak pawl a um ih martial daan a rak suah. An pahnih in dinhmun a tha lo ih khat le khat mawh an puh aw rero.

         Armenia cu ralkap pawl kil nak a thok rero. Cui dinhmun ah hriamhrei pawl, ral thawh nak pawl hmang lo in remdaihnak keng dingah Pope Francis ih zaangfah dil nak a si.

         Hi hmun le ram remdaihnak hrangah Pope Francis ih dil nak cu tu lawngah si lo in a liam cia mi July 19 ni ah tu vek thotho in zaangfah a rak dil tiin 27 September 2020 ah Vatican thuthang ih kan ngah mi a si.

https://bit.ly/3kP1vPs