A cawl zo tu Pope Benedict XVI cu ruahnak le thurel tlangnak tha pet u Biaknak lam mifim tiah Pope Francis in lawm November 15, 2021

A cawl zo tu Pope Benedict XVI cu ruahnak le thurel tlangnak tha pet u Biaknak lam mifim tiah Pope Francis in lawm

November 15, 2021

         Pope Francis in a cawl zotu Pope Benedict XVI cu tlawngta hlun pawl ih pawlkom mi Ratzinger laksawng kumtin ten a danglam hleice mi thiamnak a langter thei tu pawl a sunloih theu. Tui kum ah cun cui laksawng peknak caanserh ah Pope Francis in a cawl zo tu Pope Benedict XVI cu ruahnak le thurel tlangnak tha petu Biaknak lam mifim pakhat a si tiah a rak sim.

         Hi pawlkom ih hotu khal a si mi Federico Lombardi khal in professor Hanna-Barbara Gerl-Falkovitz, Ludger Schwienhorst-Schonberger, Jean-Luc Marion le Tracey Rowland pawl ih apawknak khal a rak lungkimpi zet. A mah in tui laksawng rak tuah thei tu apawknak hrangah man sal ding lawng a si lo. Asinan, fimthiamnak lam duh zettu a si ih ca uk suahnak pawl zate khal nemhnget mi an si.

         Pope Francis khal in hi laksawng a ngah tu pawl sunloihnak tongkam a rak sim. Thuanthu sungih rak lar zet mi Theology mifim pawl a lang ter ih netabik ah a cawl zo tu Pope Benedict XVI khal a rak langter. A cawl zo tu Pope Benedict XVI cu a mai hmuhdan le ruahnak pawl lam sial tu a si. Cu vekin thurelkhawmnakih ti daan pawl khal lamzin a phunphun thawn langter tu a si. Ziangah tile zumnak le Nu Pawlpi cu kan leilungpi ah a um rero.

         Cu vekin an mah cu thudik hawlnak hmun a nei lo mi rualpi pawl an si. Kan dung kum 2020 ah pulhnat ruangah laksawng peknak caanserh an rak tuah thei lo ih tui kum ah an tuah. Curuangah Pope Francis in kan dungkum le tui kum ih laksawng ngah tu pawl sunloih nak tongkam a rak sim. Cui hnu ah a cawl zo tu Pope Benedict XVI nazi pakhat hrawng upatnak pephah in cibai a va buuk phah ta.

         Hi thuthang cu Rome Reports thuthang ih kan ngah mi a si.

Photo courtesy of NCR

https://bit.ly/3HwO3M6