China Catholic Pawlpi dinhmun in Tuluk Communist party cohlang dingah forhfianak tuar. (August 29, 2022)

China Catholic Pawlpi dinhmun in Tuluk Communist party cohlang dingah forhfianak tuar.

(August 29, 2022)

           China acozah ih phenthlaam ih ramthen pahnih ih um mi Christian pawl cu China communist party cohlang dingah Hubei peng ih khuapi a si mi Wuhan ah August 18 ah vei (10) nak Catholic Pawlpi ih congress ah a forhfial. Cui congress cu ni 3 a rei ih Catholic Bishop pawl, Puithiam pawl, Sr. congregation zaten (345) an rak tel.

           Ramthen ih biaknak lam hotu, Cui Haohu in “China ram acozah dinhmun in China ram, Catholic Bishop pawl pawlkom (BCCCC) le China miphun duhdawttu Catholic pawlkom (CCPA) ih cangvaihnak pawl cu a liam zo mi kum (6) hrawngin famkim ten an cohlan thu, ziangah tile party hotu parah siseh, ram parah khal an rinum thu a rak sim.

           China Catholic pawl cu China communist party ih ruahnak le ramkhel lam hotu pawl thawn tu vekih vei (9) nak congress tuah mi cu (2016) ihsin an rak tuah thu, China acozah ih ruahnak pawl a khaisan thu, China Catholic kohhran mipi pawl ih zumnak hngetkhoh ter ding tumtah in ram duhdawtnak khal telh in an tuah thu, China Catholic kohhran mipi pawl dinhmun in Pawlpi ih zirhnak le Pawlpi riannak ah a thakhoh thu, a hleice in nunphung hnatuan pawl thawn tha zet ih a pehtlaih thu, an mai hminsinnak pawl khal tha sinsin dingin an zuam rero thu a rak sim.

           China miphun duhdawttu Catholic pawlkom (CCPA) ih tumtah mi ‘One Council, One Mission’ (Council pakhat, Pawlpi hnatuan pakhat) can theinak thawn pehpar in Huang Bingzhang Huang in an pawlkom ih ruahdaan a rak sim. China cin le daan le nunphung pawlkom cu cui hmun ih um mipi pawl ih biaknak lam zumnak, thlun mi le tidaan pawl cu Lausanne Academic cangvaihnak vekin a si.

           China communist ramkhel party cu socialist, mah ten ukawknak ti vek; ramkhel lam ruahnak hrambun in China communist party hotu cohlang in tha an rak pek. China Catholic Bishop pakhat a si mi Shen Bin in China Catholic Pawlpi dinhmun in a dik mi ramkhel lam an thlun thu a rak sim.

           A mah cu miphun duhdawtnak le mai Puithiam pawl, kum upa pawl, kohhran mipi pawl le rinsan ding nei lo mi Pawlpi ih hrampi cu ram sungih din thei dingah khaisang in a forhfial rero tu Bishop pakhat khal a si. China ram ah China Catholic pawl an um ruangah thathnemnak a um mi Biaknak lam thuzirhnak pawl tuah an on ding. A kau deuh mi Gospel thuthangtha simnak, zaangfah lainatnak hnatuan pawl tha ten tuan thei dingin khal a on ding. Kan dung kum, December thla ih rak tuah mi conference rak tuah mi vekin a ra lai ding mi kumnga sungah tuahsuak caan an pek ding tiah a sim.

           China President Jinping in Marxist upadi tuah dingah a sim. Tui kum December (3-4) ih tuah mi conference sungah online in zohnak, biaknak lam harsatnak pawl a rak tuah. Communist dik tak a si ih pathian nei lo mi daan cohlan mi ram ah ramsung ih um Buddhist, Taoist, Islam, Catholic le protestant pawl cu ram ih nemhnget mi Biaknak an si.

           Rampi ih nemhnget mi si dingah cun ram hnenih nemhngetnak pek a tul ih tarlang mi upadi vekin thlun a tul. Cui upadi pakhat khat thlun lo tu a umle cawhkuan pek ding (lo le) biaknak lam pawlkom pawl, cangvaihnak pawl bal tuar ding tiang cawhkuan an pek ding.

           China acozah in Vatican thawn hnatuan tlangnak a rak thok nak hi 1949 ihsin a si. China Catholic miphun duhdawttu pawlkom (CCPA) cu 1957 ah an din ih Catholic Pawlpi a rak uk. Leihnuai Catholic pawlkom pawl thatho zet ih an cangvaih lai ah Pope le Pawlpi in upat tlak tiah an rak nemhnget.

           China acozah in leipar ah (miphun duhdawttu Catholic), leithuai Catholic mipi taan 12 hrawng an um. China ram sungah Bishop pawl tuanvo ap ding thawn pehpar in China acozah le Vatican karlak ah thuel awknak pawl a rak um. Ziangahtile Catholic Pawlpi sungih tidaan thawn kaih in Bishop cannak pek dingah Vatican ih nemhnget ih hril mi a si tul ih Vatican ih nemhnget ih hriakculh mi Bishop in Bishop sinak a pek bet thei. Cui harsatnak pahsuak thei dingah China le Vatica lak ih lungkimnak ca cu kumhnih veikhat lethmat thu in lungkimnak cu tui kum hi veihnihnak netabk caan a si. Hmaisabik cu 2018 ah lungkim in lethmat an rak thu.

           Hi thuthang cu RVA thuthang ih kan ngah mi a si.

https://bit.ly/3U6Vpw9