Christmas ih a thupit bik nak a muril a si mi Naute Jesuh inn sak cio ding thu

Christmas ih a thupit bik nak a muril a si mi Naute Jesuh inn sak cio dingah Pope Francis in a forh fial (December 18, 2019)

Christmas ih a thupit bik nak a muril a si mi Naute Jesuh inn sak cio dingah Pope Francis in a forh fial (December 18, 2019)

          Zarhtin te tlawngkai ni thumni mi pi pawl thawn, an ton awk nakah Pope Francis in Ni malte lawng a duh mi Christmas ni sunglawi hi ziangti vekin so kan timtuah, Naute Jesuh suah nak inn te sak nak cu a nung mi Pathianih tongkam a langsar nak a si ih cui tongkam cu kan nun ramah duhsan nei ih lang ter ding kan si.

          A nungmi Pathian tongkam a khihmuh tu Naute Jesuh ih inn te cu lamzin pi kap, Thawnginn, Sikhan Sizung pawl, mipi tam nak hmunah, hnatuan nak hmun pawl le mai um nak inn ih tuah nakin Pathian in kan mah minung pawl a duhdawt nak a thuthuk kha mikip, hmun tinah Bawipa a suah thu langsar dingin Pathian cu minung thawn naizetin a um nak langter nak a siih Pathian cu naute Jesuh din hmunin minung zate ruun dam dingah a rat nak a si.

          Naute Jesuh Caw inn te hmaiah Bawipa Jesuh thawn um tlangin nitin kan ton mi le kan nuntu zia pawl, kan hngahhlap mi pawl hlawm aw tlangin Jesus, Maria Joseph inn saang thawn nuam nak tep tlang dingin le Cawkuang sungih a um mi naute Jesuh cu vancungin a rung tum mi a nungmi sang nung Khrih kha a si. Naute Jesuh it nak inn te kan hnenih kan ret nakin cui a nung mi sangnung cu kan innsaangah a rung thleng ding a si.

          Anung mi Pathian tong kam a si mi Naute Jesuh inn te cu innsang tin ih kan ret tikah a thu kan ruat thei ih Pathian thawn ton awk nak, Pathian cu kan inn sangah a suah nak, kan mah thawn a um mi Pathian a si nak kan thinlung sungah in hmu ter ding ruangah Naute Jesuh inn te tuah cio dingah Pope Francis in forh fial nak a nei a si. Cui Naute Jesuh suah nak inn te cun mitkher thim vekin a lo thleng ter lo ding nan kan mah lam in Pathian duh nak thinlung thawn kan thinlung kha a thleng ter ding a si. Cuti vekih kan tuah a si le Christmas cu kan hrangah nun thar nak a suak ter tu tik cu caan ah a cang ding a si.

          Hi mi thu hi Pope Francis in December ni 18, 2019 ni, mipi a ton kel ni tlawngkai ni thum ni ih a sim mi a si.

https://bit.ly/34COBvx

Add new comment

14 + 3 =