Covid-19 humhimnak sii cu mi tin hrang si dingah Vatican in zaangfah dil. December 10, 2020

Covid-19 humhimnak sii cu mi tin hrang si dingah Vatican in zaangfah dil.

December 10, 2020

Zohman tanta hlah uh

          Covid-19 humhimnak sii suah nak, dawh nak thawn pehpar in Vatican ih  catbang lo in phork suak ih a rak forhfial vek in a tu khal humhimnak sii cu mi tin hrang si dingah sumdawnnak dinhmun ah Vatican in “humhimnak sii cu mi tin hrang si dingah, a suah tu pawl ih hlawk nak, caan tha pawl khal a sun ter lo vek in sii vai lam ih cin le daan khal thlun ih kilhim in mai that nak, nunphung thathnemnak tuah dingah a rak forhfial.

Zohman ziang siar lo ih um a ngah lo.

          Covid-19 ruangih ton mi harsatnak pahsuak thei dingah cun a tul mi siivai, a tha hnem mi thilri pawl, humhimnak sii pawl, cek fel nak pawl le dam ter nak pawl cu a thupi bikih a tul mi a si. Zohman tanta a ngah lo tiin UN hrangah Vatican ih catbanglo in zingzoitu dinhmun in a tuan rero tu Archbishop Ivan Jurkovic in a voi 32 nak thurelkhawmnak ah a rak sim.Thilman thannak dingah zuar thei nak ding lawngin a daih lo tiah a sim bet. A tul sam mi thilri pawl daih aw zetin suah ih thek darh nak, harhdamnak lam thawn pehtlaih mi fimthiamnak pawl khal telh a tul.

          UN cu ram tinkim thawn lpehpar mi pawlkom pawl thawn tuan tlangih humhim ding le kham dingah khal a rak dil. Hi vek ih dilnak ah khal caantha famkim zet ih a hram bun ih tuah ding khal ah a forhfial. Hi tuan tlang nakah ton mi thilri pawl, sience lam ih theih kauhnak pawl, a tha bik ih hmannak, a tulsam mi siivai umnak hmun pawl ah lei thei nak, mi tin ih lei thei ding mi man thawn suah nak, a hleice ih a tul mi hmun pawl ah a tul daan vekih kuat thei nak ti vek thilri pawl thlengawknak pawl a tel.

          Cu vek in ram khal in mai ram mipi pawl hrangah ti thei tawk in sumpai le technical lam bawmnak pawl pek in mipi pawl ih harhdamnak kilhimnak, a thupibik in leilungpi ah nat suan awk nak karh nak um lo dingih humhim dingah tuanvo a nei. Archbishop khal in hi thurelkhawmnak ih a sim bet mi cu, UN cu covid-19 a rak thawn pek ihsin hi ton mi harsatnak pawl cu Patentscope technical a thek darh sak tu hmun 900 hrawng, a thar ih thawh mi bawmnak pek nak center pawl, sience lam thawn pehpar mi technical thilri pawl, thilri suah nak pawl, research tuah dingih a tul mi thathnemnak a um mi thilri pawl bawmnak pek nak, a thangso zo mi, a thangso rero lai mi le thanso nak lam ih a pan rero mi dinhmun pawl par ah bun in hmainor ih tuah thei dingah huam nak a rak nei.

          Hi thuthang cu Vatican thuthang ih kan ngah mi a si.

Photo courtesy of: AFP or Licensors

https://bit.ly/38gEtfw