Covid pulhnat pah suak thei dingah pakhat lawng asi mi tidaan cu hmunkhat ih tuan tlang dingah a si. September 23, 2020

Covid pulhnat pah suak thei dingah pakhat lawng asi mi tidaan cu hmunkhat ih tuan tlang dingah a si.

September 23, 2020

            Pope Francis ih tlawngkai nithum mipi pawl a ton nak ih a sim mi cu covid-19 pulhnat a can ruangah a suak mi thil thawn pehpar in thu a sim. Minung pakhat ciar ih si nak le an lamdannak kha man ret in theihpi ding. Nunphung kiangkap pakhat cu hmailam ah din thei dingah "mitinkim mai tuanvo tuan tlang dingah ka ruah san."

A tlun in tang- tang in tlun

            Tui kar tlawngkai nithum mipi ton nak cu Pope Francis cu mai thazaang rin sannak a thupi ih thuhla cu an rel khawm. "1929 kum sumdawn nak pulh nat pi tuar caan cu Pope Pio XI in "mai thazang rinsan nakih a hram pi cu a tlun ihsin tang, tang in tlun tiin a sim ih lamzin 2 a um"tiin a sim. "Harsat nak pakhat pahsuak thei dingin mah ih boruak tuah suak nak kha a thupi ih ret nak le tha mal bik minung pawl ihsin thokin mi tinkim mai neih mi thiam nak thawn ruah nak cutivek mai thazang rinsan nak cu hmang dingah a tul. Himi a hram thok nakin minung pawlkom cu dam ter nak um dingah, tumtah mi tuah suak nak dingah minung tinkim mai thaim nak zawn te kha hman thei nak a pe" mi tampi cu thleidang ih pehtlaiawk nak an tuar, hnon an tuar. Curuangah minung that nak tuah nak ah mitampi cu tel thei nak an nei lo. "Minung thenkhat cu sumdawn nak, nunphung lam an kai hngek tuk ruangah mitampi that nak an tuah thei lo. Pawlkom then khat cu minung pawl cu anmah pawl ih biak nak lam an zum nak langter dingah an ngah lo. Ni tlak nak lam leitlun ah cun mitampi cu anmah pawl ih hrin hnam le biak nak lam ruah daan pawl cu lang ter nak an ngah. Hitivekih zalen zetih sim rel thei lawng ah harsat nak ihsin kan suak thei ding." Ram miphun, rampi ih a sang bik mi pawlkom pawl cu mipi pawl ih tulhai mi bawm dingah a si. Hitivekih bawm caan ah a tul mi pung san thawn tuah dingah a tul daan vekin mi lailak pawl le mi nautabik dinhmun ih tuah thei nak khal upat dingah, khaisang dingah a tul.

Mi zate hrangah, thupotcat thei nak tan rual thei nak

            "Mi pakhat ciar, innsang tinkim, pawlkom pawl, sumdawn nak hnatuan pawl asilole nunphung hnatuan pawl le Nu Pawlpi ih bom nak cu felfai zetin tuah ding. Minung pawlkom ih dam ter nak hnatuan cu mitinkim tel thei nak an nei nan, sumdawn nak le ram khel lam hlawk nak thawn a pehpar awk asile thu dik a um lomi din hmun a cang thei. Amazon hmun ah cun mipi pawl ih aw, an mah pawl ih nunphung le hmuh nak pawl cu ruat sak nak a um lo thu theih a si.

Ram tinkim ih a darh mi company pawl ih uk nak

            "Mai thazang rinsan nak a hram pi parah man ret nak a um lo nak cu virus nathrik vekin a darh. Ram cozah pawl ah sumpai bom nak hnatuan pawl cu tah thiam nak in zoh aw. Cozah cu sumdawn nak hrangah fial tu pakhat a simi mipi pawl ih aw ngai hnak in sum pai lam company pawl ih aw lawng an ngai theu." "Corona virus dam ter nak si hrangah khat lam khat lam zuam can khal ah cozah cu nat a cang mi siizung pawl ih harsat tuar tu pawl um nak pawl ah hna a tuan tu harhdam nak lam hnatuan pawl ih aw ngai ding hnak in siilam company pawl ih aw lawng a thupi ih an ret thu hmuh a si. Taksa then  pawl zaten cu tha a mal bik a thupi lo tiin ruah nak then khat pawl khal a tul tin Corin Bible cathianghlim sungah Mithianghlim Paul in a sim.

            Mai thazang rinsan nak a hrampi cu taktak ih tuah lawngah minung pawl kom sungah rual rem sal nak le colh hmun pawl a cang suak ding a si. Harhdam in thu dik asimi hmailam khal din suak a theih ding. Curuangah a ropi sawn mi thil pawl cu ruah san mi thil tha pawl thawn din suak mi hmailam colhhmun pakhat hmun khat ten din tlang uh.

            Himi dinhmun pahsuak thei dingah hmun khat ih um nak thinlung cu a thupi tuk ti asinan hmun khat ih um nak thinlung lam thleng dingah mai thazang rinsan nak a tul. Inn sang, pawlkom pawl, hnatuan fate pawl le nunphung pawlkom pawl cutivek kom awk thei nak um loin a hman mi hmunkhat ih tan rual nak a um thei lo. Italy ram cu kan dunglam lockdown caan ah siibawi pawl, nurse pawl cu kut zabeng in thazang pawk nak upat nak cu ruah san nak ih hmin sin nak asi tiin Pope Francis in a sim. Hitivekin kutzabeng in sunloih thiam nak cu minung pawlkom sungah ziang tluk ih a fate mi mitinkim khal thazang peknak thiamnak tuah uh. "Covid caan cu mi tampi bom dingah a tuah tu kum upa pawl, taksa kim lo pawl, lothlo pawl zaten kutzabeng in sunloih cio uh" tiin sim phah in covid caan sung a bom tu tinkim khal Pope Francis in a lawm.

Ruahsan nak cu ral that nak a si.

            "Ruahsan nak neih nak cu ralthat nak a si. Ruah sannak tumpi nei dingah thu dik cu hawl dingah ruahsan nak a pe tu duhdawt nak cu khat le khat thazang pe cio uh. Hmailam ah thudik a um lomi hnatuan a si lo mi dung lam caan cu kaan in duhham nak um loin mi tampi hrang thatnak tuah tu pawl thawn din mi a mawi mi pawlkom fate pawl suak ding ah zuam cio uh" tiin sim in covid pahsuak in ruahsan nak thawn zoh dingah Pope Francis in a sawm ih a thusim nak cu a cem ter. Himi thathang cu Vatican thuthang ihsin kan ngah mi a si.

https://bit.ly/3j4WEJn

https://bit.ly/3j4WEJn