Democracy kilhim dingah le rem awk sal nak khaisang dingah Pope in American hnen dil January 10, 2021

democracy_kilhim_dingah_le_remawk_sal_dingah_pope_in_america_hnen_dil.png (474.31 KB)

Democracy kilhim dingah le rem awk sal nak khaisang dingah Pope in American hnen dil

January 10, 2021

            American ram ah tubaite ih tuah mi thurelkhawm nak ih President hril nak ah Joe Biden in a neh thu, an than nak parih lungsi lo tu mipi in Capitol innpi ah feh in buai nak can ter nak thawn pehpar in Pope cu zarhpi ni Angelus thlacam nak theh hnu "thusuah mi ruangah a hnin mi American mipi pawl hnen duhdawt zet in cibai a buk thu, himi dinhmun ah nun nak a cem tu mi 5 hrang khal ah thla a cam sak thu, mipi pawl dinhmun in Democracy kilhim dingah, rem sal nak khai sang dingah le tuanvo theihnak thinlung nei dingah" thla a cam.

          Thahawknak thil tha lo cu mah le mah siat suah awk nak a si. Pope in "thah awk nak ih thil tha lo tuah nak hril uh. Hriam hma pawl dam ter a cu zo. Thahawknak ih thil tha lo in ziang hman ngah a theih lo. Sunnak lawng a cang ter. Thah awknak ih thil tha lo tuah nak cu mah le mah siat suah nak ringring a si" tiin a sim bet. Cuihnuah "thinheng nak a dai ter thei tu tuanvo theih nak sangpi'n nei dingah, ram mipi pawl rem awk sal nak khai san dingah le America mipi pawlkom ah a hram a bunmi Democracy man kha kilhim dingah cozah thunei tu pawl le mipi pawl hnen ka lo forhfial" tiin a sim.

          A cem nak ah "American ram ih a um tu zaten hmunkhat ten kut kai aw in mi dang hrang thil tha tuah dingah lamzin tiin khat le khat thu rel tlang nak le ralring ten um nak kha nung ringring dingah in bawm ding thu" American ram a kilkhawi tu sual hram nei loih a sem tu Bawinu Maria hnen Pope in thla a cam sak. Himi thu cu Vatican thuthang ihsin kanngah mi a si.

Photo credit - Vatican news

https://bit.ly/3idEdmp

Add new comment

2 + 0 =